વડોદરાના ઓપી રોડ વિસ્તારમાં આવેલી મોબાઇલ શોપ નો એક કર્મચારી કલેક્શનની રકમ લઈ ફરાર થઈ જતા તેની સામે પોલીસ ફરિયાદ નોંધાઈ છે.
ઓપી રોડના પંચમહાઇટ ખાતે આવેલી વિનસ મોબાઈલ ના સર્વિસ મેનેજર વૈભવ જાદવે પોલીસને કહ્યું છે કે ગઈ તા. 22મી એ નફીસ ખાન નાસીર ખાન પઠાણ (રહે ગંગાનગર પંચવટી પાસે ગોરવા)ને 4.90 લાખનું કેશ કલેક્શન બેંકમાં ભરવા માટે આપ્યું હતું.
સાંજ સુધી તે પરત નહીં ફરતા તેને ફોન કર્યો હતો. પરંતુ તેનો ફોન સ્વીચ ઓફ આવતો હતો. જેથી સુરત હેડ ઓફિસ ખાતે તપાસ કરતા રૂપિયા જમા થયા નથી તેમ કહેવામાં આવ્યું હતું. જેથી નાસીર પઠાણ રૂપિયા લઈને ફરાર થઈ ગયો હોઈ પોલીસ ફરિયાદને આધારે અકોટા પોલીસે ગુનો દાખલ કર્યો છે.
