નવાં કોર્પો.ના વોર્ડ નં. 1, 5, 6, 7, 8, 9, 10માં પક્ષમાંથી જ પ્રતિસ્પર્ધીઓ : ટિકિટ ન મળતાં પૂર્વ કાઉન્સિલરના પત્ની- માતાએ જાહેરમાં રકઝક કરી : મંત્રી અમૃતિયાએ પ્રદેશ કારોબારીનો હવાલો આપી માફી માગવી પડી
મોરબી, : નગરપાલિકામાંથી મહાપાલિકામાં પરિવર્તિત મોરબીમાં પહેલી જ વખત મહાપાલિકાની ચૂંટણી થઈ રહી છે ત્યારે ભાજપે અહીં સત્તા માટેની લડાઈમાં ઉતરતાં પહેલાં ટિકિટ વહેંચણીના મુદ્દે આંતરિક અસંતોષને ઠારવા ઘરમાં જ મશક્કત કરવાની નોબત આવી પડી છે. આજે વધુ 12 બળવાખોરોએ ચૂંટણીમાં ઝૂકાવ્યું એ દરમિયાન જાહેરમાં ચણભણ પણ થઈ હતી.
