– દિવાળી પૂર્વે જુના અને નવા કોન્ટ્રાકટર દ્વારા પગાર ચુકવવા માંગ
– કોન્ટ્રાકટર બીલ પાસ થવાની રાહ જોવે છે જ્યારે યુની. કર્મચારીનો પગાર તવાની રાહ જોવે છે
ભાવનગર : મ.કૃ. ભાવનગર યુનિવર્સિટીમાં આઉટ સોર્સ એજન્સી હસ્ત કર્મચારીઓ રાખવામાં આવે છે. જ્યારે દર વર્ષે કોન્ટ્રાક્ટ બદલાતો હોય ગત વર્ષના કોન્ટ્રાક્ટર દ્વારા છેલ્લા બે માસનો પગાર કેટલાક કર્મચારીને નહીં ચુકવાતા કચવાટ ઉઠયો છે. જ્યારે કોન્ટ્રાકટર બીલની રાહમાં હોય જ્યારે સામા પક્ષે નિયમ પ્રમાણે પગાર ચુકવાય તેની રાહ યુનિ. જોઈ રહી છે. જ્યારે ચાલુ વર્ષે નવા કોન્ટ્રાક્ટર દ્વારા પણ પગાર નહીં થતા આ નાના કર્મીઓની દિવાળી મુશ્કેલ બની છે.
મ.કૃ. ભાવનગર યુનિ. દ્વારા ગત વર્ષે ગૌતમ સિક્યુરીટીન ગાર્ડ માટેનો અને ડી. જી. નાકરાણીને આુટ સોર્સ માટેનો કોન્ટ્રાક્ટ અપાયો હતો આ બન્ને એજન્સી હેઠળ કુલ ૧૫૦ જેટલા કર્મચારી નિમાયા હતા એઓ પૈકીના કેટલાક ક્રમીનો એક માસનો કેટલાકનો બે માસનો પગાર હજુ થયો નથી. જ્યારે જે બીલ પાસ થવાની રાહ જુએ છે. તાજેતરમાં યુનિવર્સિટી એજન્સીને બન્ને કામ માટેનો કોન્ટ્રાક્ટ અપાયો છે અને દિવાળીના દિવસો નજીક આવવા છતાં જુની કે નવી એજન્સી દ્વારા પણ પગાર નહીં થતાં આ કર્મચારીઓ મુશ્કેલીમાં મુકાયા છે. જ્યારે યુનિ.ના સત્તાધિશો દ્વારા જવાબદાર એજન્સીને તાકીદ કરી આ પ્રશ્નનું નિરાકરણ લાવે તે જરૂરી બન્યું છે.
