અમદાવાદ,ગુરુવાર,6
નવેમ્બર,2025
અમદાવાદના રામોલ વિસ્તારના ન્યુ મણિનગર વિસ્તારના શરણમ
એલિગન્સમાં બુધવારે બપોરના સમયે પાર્કિંગમાં
રમતા બે બાળકો ઉપર આજ ફલેટમા રહેતા પાપાબેન ઉર્ફે સંગીતાબેન પલાનીસ્વામી
વનીયારના પાલતુ જર્મન શેફર્ડે હુમલો કરી બચકાં ભરતા રહીશોમાં દોડધામ મચી ગઈ
હતી.પાલતુ કૂતરાંને લઈ પાપાબેન પાર્કિંગમા હતા તે સમયે કૂતરાંને જોઈ બાળક પણ દોડતા
કૂતરાએ બાળક ઉપર હૂમલો કરી બચકા ભરતા તાત્કાલિક સારવાર માટે હોસ્પિટલ લઈ જવાયા
હતા. આ સમગ્ર ઘટનાને પગલે કોર્પોરેશન તરફથી રામોલ પોલીસ સ્ટેશનમાં ફરિયાદ દાખલ
કરાઈ છે.ગુરુવારે કોર્પોરેશનની ટીમ શરણમ એલિગન્સ ખાતે પહોંચી હતી.જયાં કૂતરાંને
પકડી દાણીલીમડા ખાતે આવેલા ડોગ શેલ્ટર ખાતે રખાયો છે. કૂતરાં માટે કોર્પોરેશનમાં
કરાવાયેલુ રજિસ્ટ્રેશન રદ કરાશે.
અમદાવાદમા પાલતુ કૂતરાં રાખવા માટે રજિસ્ટ્રેશન કરાવવુ
ફરજિયાત બનાવાયુ છે. ઉપરાંત કૂતરાંને વેકસીન આપવી, તેને રાખવાની અલગ જગ્યા રાખવી તથા તેને જે સમયે માલિક બહાર લઈ જવા માંગતા હોય ત્યારે પાલતુ
કૂતરાંના મોં ઉપર ફેસ માસ્ક ફરજિયાત બાંધવા
સહિતના નિયમો અમલમા મુકવામા આવ્યા છે. આ વર્ષના જાન્યુઆરી મહિનાથી આ તમામ
નિયમો અમલમા મુકાયા હોવા છતાં શહેરમા પાલતુ કૂતરાં રાખવાવાળા માલિકોમાં કૂતરાંનુ
રજિસ્ટ્રેશન કરવાથી લઈ અન્ય બાબતોનુ પાલન કરવાની બાબતમાં બેદરકારી જાવા મળી રહી
છે.બુધવારે બપોરે શરણમ એલિગન્સમા બનેલી ઘટના પછી સ્થાનિકોએ આક્રોશ વ્યકત કરતા કહયુ, આ અગાઉ પણ કૂતરુ
કરડવાની ઘટના બની હતી.પરંતુ એ સમયે કૂતરાંના માલિકે હવે પછી આ પ્રકારની ઘટના નહીં બને એવુ આશ્વાસન
આપતા પોલીસ ફરિયાદ કરવાનુ પણ ટાળી દેવાયુ હતુ. આ ઘટનાના સામે આવેલા
સી.સી.ટી.વી.ફૂટેજમાં પાલતુ કૂતરાંને લઈ પાર્કિંગમા પહોંચનારી મહિલાએ કૂતરાંના મોં
ઉપર ફેસ માસ્ક પણ પહેરાવેલો નહતો.આ અગાઉ ૧૩ મે-૨૫ના રોજ હાથીજણ વિસ્તારમા આવેલ
રાધે રેસીડન્સીમા રોટ વિલર નામના પાલતુ કૂતરાંએ ચાર મહિનાની બાળકી ઉપર હૂમલો કરી
બચકાં ભરતા તેણીનુ સારવાર દરમિયાન મોત થયુ હતુ.જે પછી દાણીલીમડાના ડોગ શેલ્ટરમા
રાખવામા આવેલા રોટ વિલર નામના પાલતુ કૂતરાંનુ પણ મોત થયુ હતુ.
પકડાયેલ જર્મન શેફર્ડને પરત નહીં કરાય
કોર્પોરેશનના સી.એન.સી.ડી. વિભાગના નરેશ રાજપૂતે કહયુ, ગુરુવારે બાળકો
ઉપર હૂમલો કરી બચકાં ભરનારા જર્મન શેફર્ડને દાણીલીમડા ડોગ શેલ્ટર ખાતે રાખવામા
આવશે.પરત નહીં કરાય.ઓગસ્ટ-૨૫મા આ કૂતરાંનુ રજિસ્ટ્રેશન કરાયુ હતુ.જે પણ રદ કરવામા
આવશે.
સાત વર્ષમાં શહેરમાં રખડતા કૂતરાં કરડવાના કયારે કેટલા બનાવ
વર્ષ કુલ
બનાવ
૨૦૧૯-૨૦ ૭૦૦૪૩
૨૦૨૦-૨૧ ૪૬૪૩૬
૨૦૨૧-૨૨ ૫૦૩૯૭
૨૦૨૨-૨૩ ૬૦૩૩૦
૨૦૨૩-૨૪ ૭૧૧૯૧
૨૦૨૪-૨૫ ૭૮૭૯૫
૨૦૨૫-૨૬ ૩૪૬૪૨
શહેરમાં ૫૦ હજારની સામે માત્ર ૧૮ હજાર પાલતુ કૂતરાંનુ
રજિસ્ટ્રેશન
ઝોન પેટ ડોગની
સંખ્યા
મધ્ય ૭૪૭
ઉત્તર ૧૯૩૨
દક્ષિણ ૨૨૮૪
પૂર્વ ૨૭૪૯
પશ્ચિમ ૪૭૫૨
ઉ.પ. ૩૮૨૨
દ.પ. ૨૪૬૮
ઓનલાઈન ૨૨
બ્રીડ મુજબ શહેરમાં કેટલા રજિસ્ટ્રેશન
બ્રીડ રજિસ્ટ્રેશન
લેબ્રાડોર ૩૫૬૩
જર્મન શેફર્ડ ૧૩૫૯
શિહત્ઝુ ૧૨૮૭
ગોલ્ડન રીટ્રીવર ૧૨૩૦
પોમેરેનિયન ૯૮૮
બીગલ ૫૦૫
સાઈબેરીયન હસ્કી ૪૧૮
રોટવીલર ૩૨૬
પગ ૩૬૩
અન્ય ૬૫૪
