Vadodara Corporation : વડોદરા નજીક આજવા ડેમ નજીકથી પસાર થતી નેરોગેજ લાઇનને મિયાગામ ડભોઇ-સમીયાલા નવી બ્રોડગેજ લાઈન પાલિકાની જમીનમાં ગિફ્ટ કરવા માટે કેટલીક કામગીરી અર્થે મંજૂરીની પ્રક્રિયા હાથ ધરવામાં આવી હતી. જેમાં સ્થાયી સમિતિએ ભારત સરકાર, ગુજરાત સરકાર અને પાલિકાની ચર્ચા બાદ જે સંયુક્ત ડિઝાઇન તૈયાર થાય તેના પાલન પૂર્વે સ્થાયી સમિતિ અને સમગ્ર સભાની પૂર્વ મંજૂરી લેવાની દરખાસ્તને મહોર મારી છે.
ઉપરાંત આજવા સરોવરમાંથી શહેરની જનતાને પાણી પુરી પાડવા માટેની મુખ્ય લાઈન પસાર થાય છે ત્યારે ભવિષ્યમાં નવી લાઈન નાખવા, રીપેરીંગ કરવા જેવી અન્ય પ્રકારની કામગીરી સંદર્ભે ત્વરિત પરવાનગી અને લાગત બાબતે એમઓયુમાં સ્પષ્ટતા કરવાના રહેશે એવો નિર્ણય લેવામાં આવ્યો છે. આજવા ડેમ નજીકથી પસાર થતી નેરોગેજ લાઈનને મિયાગામ ડભોઇ-સમીયાલા નવીન બ્રોડગેજ લાઇન પાલિકાની જમીનમાં શીફ્ટ કરવા માટે નેરોગેજ વાળી 6.05 હેક્ટર વેસ્ટર્ન રેલવેની માલિકીની જમીનનો કબજો પાલિકાને સોંપવા તથા પાલિકાની અટાપીમાંથી પસાર થતી 6.85 હેક્ટર જમીનમાં બ્રોડગેજ લાઇન નાંખવાની મંજૂરી માટે તથા ડિફરન્સવાળી 0.85 હેક્ટર જમીન વેસ્ટર્ન રેલવેને NO COST આપવી કે સદર જમીનનું વેલ્યુએશન કરાવી અથવા સરકારના નવા કાયદા મુજબ યોગ્ય વળતર મેળવવાનો અધિકાર અને જમીન સંપાદનમાં પારદર્શકતા, પુનઃરોત્થાન અને પુનઃવસવાટ અંગેનો અધિનીયમ-2013ની જોગવાઇ મુજબ, સરકારની 2011ની જંત્રીના ચાર ગણા ભાવે વેસ્ટર્ન રેલવે પાસેથી વળતર લઈ સોંપવા બાબતે નિર્ણય થવા ઉપરાંત બ્રોડગેજ લાઇનમાં આવતી અન્ય ખાનગી માલિકીની જમીનો વેસ્ટર્ન રેલવે દ્વારા જ સંપાદન કરવામાં આવે તથા અટાપી વાળી જમીનમાં આવતી કંપાઉન્ડ વોલ દૂર કરવા તથા ફોરેસ્ટ ડિપાર્ટમેન્ટની જમીનમાં આવતા 20 હજાર જેટલા વૃક્ષોને કાપવાની મંજુરી પાર્કસ એન્ડ ગાર્ડન શાખા દ્વારા મેળવી આપવા વિગેરેની તમામ સત્તા મ્યુનિસિપલ કમિશનરને આપવાની ભલામણને કામગીરી સંદર્ભે કમિટીની રચના કરવા અને તેની સત્તા મ્યુનિ.કમિશ્નરને આપવા, કમિટીને પ્રસ્તુત કામે નિર્ણય કરવાની સત્તા આપવા તથા પ્રસ્તુત કમિટીમાં સ્થાયી સમિતિના અધ્યક્ષનો સમાવેશ કરવા અભિપ્રાય આપેલ હોઇ, તેને સ્થાયી સમિતિએ મંજૂરી આપી હતી.
સમગ્ર બાબતે દરખાસ્ત સામાન્ય સભામાં રજૂ કરવામાં આવી હતી. જેમાં કેન્દ્ર સરકાર, રાજ્ય સરકાર અને પાલિકાની ચર્ચા બાદ જે સંયુક્ત ડિઝાઇન તૈયાર થાય તેના પાલન પૂર્વે સ્થાયી સમિતિ અને સમગ્ર સભાની પૂર્વ મંજૂરી લેવાની દરખાસ્તને મહોર મારી છે. આ સાથે આજવામાંથી વડોદરા શહેરની જનતાને પાણી પુરી પાડવા માટેની મુખ્ય લાઈન પસાર થાય છે, ભવિષ્યમાં નવી લાઈન નાખવા, રીપેરીંગ કરવા જેવી અન્ય પ્રકારની કામગીરી સંદર્ભે ત્વરિત પરવાનગી અને લાગત બાબતે એમઓયુમાં સ્પષ્ટતા કરવાના રહેશે એવો નિર્ણય લેવામાં આવ્યો છે.
