ડમ્પર
ચાલક અને ક્લીનર સમય સૂચકતા વાપરી નીચે ઉતરી જતા જાનહાનિ ટળી
સુરેન્દ્રનગર – લીંબડી-રાજકોટ નેશનલ
હાઈવે પરથી મુદામાલ ભરીને ડમ્પર જઈ રહ્યું હતું. દરમિયાન ફુલગ્રામના પાટિયા પાસે
ડમ્પર પહોંચ્યું ત્યારે આગળના ભાગમાં આગ લાગી હતી. જોત જોતામાં જ ગણતરીની
મિનિટોમાં જ આગે વિકરાળ સ્વરૃપ ધારણ કરતા ડમ્પરમાં પ્રસરવા લાગી હતી.
ડમ્પર
ચાલક અને ક્લીનર સમય સૂચકતા વાપરી નીચે ઉતરી જતા આબાદ બચાવ થયો હતો. આ બનાવ અંગે
આસપાસના લોકો સહિત વાહન ચાલકોએ પોલીસ તેમજ પાલિકાની ફાયર ફાયટર ટીમને જાણ કરતા
ઘટના સ્થળે આવી આગને બુઝાવવાની કામગીરી હાથ ધરી હતી. જોકે ડમ્પરમાં ક્યાં કારણોસર
આગ લાગી તે અંગેનું સાચું કારણ હાલ બહાર આવ્યું નહોતું. અત્રે ઉલ્લેખનીય છે કે
હાઈવે પર ડમ્પરમાં આગ લાગી હોવા છતાં બાજુમાં થી જ અનેક નાના મોટા વાહનો પસાર થતા
હોવાથી અન્ય વાહન ચાલકોમાં પણ ફફડાટ જોવા મળ્યો હતો.
