વડોદરાઃ વડોદરા અને આસપાસના નગરોમાં દુકાનદારોની નજર ચૂકવીને રોકડ અને મોબાઇલ ચોરી લેનાર અઠંગ આરોપીને પોલીસે ઝડપી પાડયો છે.ગુના આચરવા માટે સગીરને પણ સાથે રાખતો હોવાની માહિતી બહાર આવી છે.
પાણીગેટ બાવામાનપુરા તરફથી બાઇક પર આવી રહેલા મિતેષ વિનોદભાઇ શર્મા(હાલ ઉકાજીના વાડિયામાં,વાઘોડિયા રોડ,મૂળ રહે.રામોલ,અમદાવાદ)ને પોલીસે આંતરી ચેક કરતાં તેની પાસેથી ૧૧ મોબાઇલ મળી આવ્યા હતા.
જેથી પોલીસે પૂછપરછ કરતાં આ મોબાઇલ તેણે મકરપુરારોડ,માંજલપુર, વાઘોડિયા,બાપોદ અને હરણી વિસ્તારની દુકાનોમાંથી ચોરી કર્યા હોવાની વિગતો બહાર આવી હતી.
