Vadodara Liquor Smuggling : વડોદરા પોલીસે વધુ એક વખત દારૂનો મોટો જથ્થો ઝડપી પાડ્યો છે. હરણી પોલીસે 36 લાખના દારૂના કેસની સાથે ચાર ખેપિયાને પણ ઝડપી પાડ્યા છે.
વડોદરામાં છેલ્લા કેટલાક સમયથી દારૂની મોટી ખેપ પકડાઈ રહી છે. પોલીસે છ મહિનામાં 3 કરોડથી વધુની કિંમતનો દારૂ ઝડપી પાડ્યો છે. અરણી પોલીસે ગઈ મોડી રાત્રે ગોલ્ડન ચોકડી પાસેથી દારૂના કટીંગ વખતે જ છાપો મારી દારૂનો વધુ એક કેસ કર્યો હતો.
દેણાથી ગોલ્ડન બ્રિજ વચ્ચે સર્વિસ રોડ ઉપર એક કન્ટેનરમાંથી પીકઅપ વાનમાં દારૂનું કટીંગ કરવામાં આવી રહ્યું હતું તે દરમિયાન પોલીસ આવી જતાં સ્થળ પરથી આસિફ ઝુબેર ખાન, હામિદ હુસેન દિન મોહમ્મદ (બંને રહે હરિયાણા), અજમલ હસન પઠાણ ( ચિસ્તિયાનગર (નવા યાર્ડ છાણી રોડ, વડોદરા) અને અતિ અહેમદ પઠાણ (આર્યા હાઈટ્સ, ગોરવા) પકડાઈ ગયા હતા. જ્યારે સુનિલ ચૌધરી નામના એક શખ્સને વોન્ટેડ જાહેર કરાયો હતો.
પોલીસે દારૂ જુદી-જુદી બ્રાન્ડની દારૂની બોટલ તેમજ બીયર મળી કુલ 23 લાખની કિંમતની 4498 બોટલો કબજે કરી હતી. આ ઉપરાંત કન્ટેનર અને પીકઅપ વાન મળી કુલ રૂ.36 લાખનો મુદ્દામાલ કબજે કર્યો હતો.
