વડોદરા શહેરના વોર્ડ નંબર 14ના નાગરવાડા વિસ્તારમાં આવેલી એમ. ઈ.એસ.હાઇસ્કુલ માં મતદાન દરમિયાન સવારે evm મશીન ખોટકાયુ હતું જેથી15 થી 20 મિનિટ મતદાન મુલતવી રાખવું પડ્યું હતું.
કોર્પોરેશનની ચૂંટણીનું મતદાન આજે ચાલી રહ્યું છે ત્યારે વોર્ડ નંબર 14 ના નાગર વાડા વિસ્તારમાં આવેલા એમ. ઈ.એસ સ્કૂલ ખાતેના મતદાન મથકમાં એક ઈવીએમ મશીન ખોટકાયું હતું. જેથી ફરજ પરના અધિકારીએ મતદાન રોકી દીધું હતું અને તાત્કાલિક ચૂંટણી વિભાગને જાણ કરી નવું ઇવીએમ મશીન મંગાવવાની વ્યવસ્થા કરવામાં આવી હતી.
મશીન મતદાન મથક ખાતે આવે તે દરમિયાન 15 થી 20 મિનિટ સુધી મતદાન અટકાવવામાં આવ્યું હતું અને ત્યારબાદ evm મશીન આવી જતા પુનઃ મતદાન શરૂ કરવામાં આવ્યું હતું. 15 થી 20 મિનિટ મતદાન બંધ રહ્યું હતું જેને ધ્યાનમાં રાખી મતદાન માં એક એવીએમ મશીન માં જે મતદાન કરનારા મતદારો હશે તેઓને 15 થી 20 મિનિટ સમય આપવામાં આવશે તેવી ખાતરી વહીવટી તંત્ર તરફથી ઉમેદવારને આપવામાં આવી હતી.
