સસરા
આડા સંબંધમાં આડખીલીરૃપ બનતા પૂત્રવધૂએ કાસળ કાઢી નાખ્યું
પુત્રવધૂ
અને પ્રેમી સહિત ત્રણ શખ્સોએ પાઈપ-ધોકા વડે હુમલો કરતા ગંભીર ઇજાથી મોત થયું ઃ
પોલીસે ગણતરીની કલાકોમાં હત્યારાઓને ઝડપી પાડયા
સુરેન્દ્રનગર
– સુરેન્દ્રનગરના ફૂલગ્રામમાં પારિવારિક સંબંધોને
લાંછન લગાવતી ઘટના સામે આવી છે. આડા સંબંધ રાખવા બાબતે સસરાએ આપેલો ઠપકો પુત્રવધૂને
પસંદ ન આવતા, તેણે પોતાના પ્રેમી અને અન્ય એક શખ્સ સાથે મળીને સસરા રમેશભાઈ ગાબુની કરપીણ
હત્યા કરી નાખી છે. આ ઘટનાથી સમગ્ર પંથકમાં ચકચાર મચી ગઈ છે. જોરાવરનગર પોલીસે તપાસ
હાથ ધરી હતી અને ગણતરીની કલાકોમાં જ પુત્રવધૂ સહિત ત્રણેય આરોપીઓને દબોચી લઈ કાર્યવાહી
શરૃ કરી છે.
વઢવાણ
તાલુકાના ફૂલગ્રામમાં રહેતા રમેશભાઈ નાનુભાઇ ગાબૂ (ઉ.વ.૫૮)ની પુત્રવધૂ ચકુ અશોકભાઇ
ગાબુને ગામમાં જ રહેતા સોહિલ રમેશભાઇ જીડિયા નામના યુવક સાથે પ્રેમ સંબંધ હતો. આ
આડા સંબંધને લઇ ચકૂબેનને સસરા રમેશભાઇ ગાબૂ અને તેમના જેઠ મહેશભાઇ રમેશભાઇ ગાબૂ આ
સંબંધનો વિરોધ કરતા હતા અને અવારનવાર પુત્રવધૂને ઠપકો આપતા હતા. આ બાબતે અગાઉ
સોહિલ સાથે પણ બોલાચાલી થઈ હતી.
આ
સંબંધમાં સસરા આડખીલીરૃપ બનતા હોવાનું માની પુત્રવધૂ ચકુ, તેના પ્રેમી સોહિલ
જીડિયા અને સુરેશ જીડિયાએ ઘરમાં ધૂસી બોલાચાલી કરી હતી. ત્યાર બાદ આરોપીઓએ લાકડાના
ધોકા અને પાઈપ જેવા હથિયારો વડે રમેશભાઈના માથા અને શરીરના ભાગે મારમારી નાસી
છુટયા હતા.
આ
બનાવ અંગે મહેશભાઇ સહિતના લોકોને જાણ થતાં રમેશભાઇને તાત્કાલિક સાયલા હોસ્પિટલ લઈ
જવામાં આવ્યા હતા, જ્યાં ફરજ પરના તબીબોએ તેમને મૃત જાહેર કર્યા હતા. બનાવ અંગે મહેશભાઇએ
પોલીસ ફરિયાદ નોંધાવતા જોરાવરનગર પોલીસે મૃતદેહને સુરેન્દ્રનગર સિવિલ હોસ્પિટલ
પોસ્ટમોર્ટ માટે ખસેડી આ મામલે હત્યાનો ગુનો નોંધી અલગ-અલગ ટીમો બનાવી તપાસ શરૃ
કરી હતી.
પોલીસે
ગણતરીની કલાકોમાં જ મુખ્ય આરોપી (૧) સોહિલ રમેશભાઈ જીડીયા (૨) સુરેશભાઈ લખમણભાઈ
જીડીયા (૩) ચકુબેન અશોકભાઈ ગાબુની અટકાયત કરી છે. હત્યામાં વપરાયેલા હથિયારો પણ
જપ્ત કરવામાં આવ્યા છે. હાલ પોલીસ આરોપીઓની કડક પૂછપરછ કરી રહી છે. આ ઘટનાને પગલે
ફૂલગ્રામમાં શોક સાથે રોષની લાગણી જોવા મળી રહી છે.
