વડોદરાઃ વડોદરા જિલ્લાના વાઘોડિયા તાલુકામાં ફરી એકવાર દીપડાએ દેખા દેતાં ગ્રામજનોમાં ગભરાટ ફેલાયો છે.
અગાઉ જુદાજુદા ગામોમાં ત્રાટકતો દીપડો આ વખતે માડોધર ગામે ત્રાટક્યો હતો અને એક વાછરડાનું મારણ કર્યું હતું.ગ્રામજનોએ આ અંગે ફોરેસ્ટ વિભાગ સમક્ષ પાંજરું મુકવા માગણી કરી છે.
હાલમાં જ ચાર્જ લેનાર આરએફઓ એસપી ભાભોરે કહ્યું હતું કે,અમે દીપડાને પકડવા માટે એક ટીમ બનાવી છે અને પાંજરું મૂકી તેના પર નજર રાખીશું.
