આરોપી
શખ્સની અટક, ગુનામાં સંડોવાયેલા સગીરોને નોટિસ આપાઇ
સોમવારે
મોડી રાત્રે રિક્ષાની રાહ જોઇ ઉભા બે યુવકને બે સગીર સહિત ત્રણ શખ્સે માર મારી લૂંટ
ચલાવી હતી
વિરમગામ –
વિરમગામ શહેરમાં સોમવારે રિક્ષાની રાહ જોઇ ઊભા બે યુવકને
રિક્ષા લૂંટનાર શખ્સ ઝડપાયો છે. પોલીસે રૃ.૧૬ હજારનો મુદ્દામાલ રિકવર કરી આરોપી
શખ્સની અટક કરી ગુનામાં સંડોવાયેલા સગીરોને નોટિસ આપાઇ હતી.
વિરમગામના
ભરવાડી દરવાજા પાસે ૨૧મી જુલાઇના રોજ રાત્રીના સાડા દસ વાગ્યે ચિરાગભાઇ અડખાભાઇ
પરમાર (રહે.ઇન્દીરા ચોક, હડાદ ગામ, તા.દાંતા, જિ.બનાસકાંઠા,
હાલ રહે.બાલાપીરની દરગાહ પાસે વિરમગામ) તથા તેના મીત્ર કિરણભાઇ
નારણભાઇ પરમાર રિક્ષાની રાહ જોઇને ઉભા હતા. તે સમયે ત્રણ શખ્સો રિક્ષા લઇને આવ્યા
હતા અને ચિરાગભાઇ તેમજ કિરણને રિક્ષામાં બેસાડીને એકાંત જગ્યાએ લઇ જઇ ગાળો બોલી
માર માર્યો હતો અને ચિરાગભાઇનો મોબાઇલ (કિં રૃ.૧૦૦૦૦) તથા રોકડ રૃ.૫૦૦ તથા કિરણનો
મોબાઇલ કિ.રૃ.૫૦૦૦, રોકડ રૃ.૭૦૦ મળી કુલ રૃ.૧૬૨૦૦ની મત્તાની
લુંટ ચલાવી નાસી છુટયા હતા. જે અંગે ચિરાભાઇએ ૨૨-૦૭-૨૦૨૫ના રોજ વિરમગામ ટાઉન પોલીસ
સ્ટેશનમાં ત્રણ અજાણ્યા શખ્સો સામે ગુનો નોંધાવ્યો હતો.
ફરિયાદ
સંદર્ભે તપાસ હાથ હાથ ધરતા પોલીસને બાતમી મળી હતી કે ગુનામાં સંડોવાયેલા શખ્સ તથા
રિક્ષા વિરમગામના સામાસુર્યા વિસ્તારમાં આવી રહ્યાં છે. બાતમીના આધારે તપાસ હાથ
ધરતા બાતમીવાળી રિક્ષા સાથે ત્રણ શખ્સો આવતા પોલીસે અટકાવની પુછપરછ કરતા પોતાની ઓળખ
(૧) સંજયભાઇ ઉર્ફે સંજુ બાબાલાલ ઠાકોર (ઉ.વ.રર, રહે. ભઠ્ઠીપુરા, વિરમગામ)(૨)
૧૭ વર્ષીય કિશોર રહે.વિરમગામ સામાસુર્યા) (૩) ૧૬ વર્ષીય કિશોર (રહે.વિરમગામ
સામાસુર્યા) તરીકે આપી હતી. પોલીસે વધુ પુછપરછ કરતા પોતાનો ગુનો કબુલ કર્યો હતો.
પોલીસે આરોપી સંજયભાઇ ઉર્ફે સંજુ બાબાલાલ ઠાકોરને પકડી અટક કરી બે મોબાઇલ
કિં.રૃ.૧૫,૦૦૦, રોકડ રૃ.૧૦૦૦ મળી
રૃ.૧૬૦૦૦/- નો મુદ્દામાલ રિકવર કર્યો છે. તેમજ લુંટ કરવામાં ઉપયોગમાં લેવામાં
આવેલી રિક્ષાકિ.રૃ.૫૦,૦૦૦ને કબજે કરી છે. તેમજ કાયદાના
સંઘર્ષમાં આવેલ બંને કિશોરને નોટિસ આપવામાં આવી છે.
