વેટરન ક્રિકેટર્સ એસોસિએશન અને બરોડા ક્રિકેટ એસોસિએશન દ્વારા સ્વ. અંશુમન ગાયકવાડની સ્મૃતિમાં આયોજિત વેટરન વેસ્ટ ઝોન ટી-૨૦ ક્રિકેટ ટુર્નામેન્ટમાં આજે રમાયેલી મેચોમાં સૌરાષ્ટ્ર અને ગુજરાતની ટીમનું શાનદાર પ્રદર્શન રહ્યું હતું.
સૌરાષ્ટ્ર અને મુંબઈ વચ્ચેની મેચમાં સૌરાષ્ટ્રે નવ વિકેટે વિજય હાંસલ કર્યો હતો. મુંબઈએ પ્રથમ બેટિંગ કરતા ૨૦ ઓવરમાં ૧૬૭ રનનો મજબૂત સ્કોર કર્યો હતો.જવાબમાં સૌરાષ્ટ્રની ટીમે માત્ર ૯.૪ ઓવરમાં ૧૭૦ રન બનાવી મુકાબલો પોતાના નામે કર્યો હતો. સૌરાષ્ટ્રના કેપ્ટન તથા સૌરાષ્ટ્ર ક્રિકેટ એસોસિએશનના પ્રમુખ જયદેવ શાહએ આ ટુર્નામેન્ટમાં બીજી સેન્ટન્ચ્યુરી ફટકારી હતી.
ગુજરાત અને મહારાષ્ટ્ર વચ્ચેની મેચમાં મહારાષ્ટ્રે પ્રથમ બેટિંગ કરી ૧૬૧ રનનો લક્ષ્યાંક આપ્યો હતો. લક્ષ્યનો પીછો કરતાં ગુજરાતની ટીમે ૧૭.૨ ઓવરમાં ૧૬૪ રન બનાવી જીત મેળવી હતી. ગુજરાતના મયંકે માત્ર ૫૩ બોલમાં ૯૦૨ન ફટકારતા તેને મેન ઓફ ધ મેચ જાહેર કરાયો હતો.
હવે આવતીકાલે કોટંબી સ્થિત બી.સી.એ. સ્ટેડિયમ ખાતે વડોદરા અને ગુજરાત વચ્ચે ફાઈનલ મેચ રમાશે.
