અમદાવાદ, સંજીવ રાજપૂત, એબીએનએસ: અમદાવાદ શહેર પોલીસે મહિલા દિવસની ઉજવણી કરી હતી જેમાં મહિલા પોલીસકર્મીઓ દ્વારા એક બાઇક રેલીનું પણ આયોજન કરવામાં આવ્યું હતું.
8 માર્ચના રોજ વિશ્વ મહિલા દિવસ મનાવવામાં આવે છે ત્યારે અમદાવાદ શહેર પોલીસ દ્વારા મહિલા દિવસની ઉજવણી કરવામાં આવી હતી. આ ઉજવણીના ભાગરૂપે અમદાવાદ શહેર. પોલીસ દ્વારા અનેક કાર્યક્રમો યોજવામાં આવી રહ્યા છે ત્યારે આ ઉજવણીને લઈ એક મહિલા બાઈકર્સ રેલીનું પણ આયોજન કરવામાં આવ્યું હતું જેમાં ટ્રાફિક વિભાગની મહિલા પોલીસ કર્મીઓએ ઉત્સાહભેર ભાગ લીધો હતો.
અમદાવાદના પોલીસ કમિશનર જી એસ મલિક દ્વારા આ રેલીને ફ્લેગ ઓફ કરાવવામાં આવ્યું હતું. જેમાં 200 થી પણ વધુ પોલીસ મહિલાઓ ટ્રાફિકના નિયમો અને સુરક્ષાના બેનર સાથે આ બાઈક રેલીમાં જોડાઈ હતી.
પોલીસ વિભાગમાં મહિલાઓનો સૌથી મોટું યોગદાન રહ્યું છે આજે મહિલાઓ સેવા સુરક્ષા અને શાંતિના ભાગરૂપે લોકોની રક્ષા અને સલામતી માટે પોલીસ વિભાગમાં કાર્યરત જોવા મળી છે અને પુરૂષો સાથે કદમથી કદમ મિલાવી સહભાગી થતા જોવા મળી રહી છે. આ પ્રસંગે શહેરના એડીસીપી, એસીપી, ડીસીપી પીઆઇ સહિત પોલીસ વિભાગના કર્મીઓ ઉપસ્થિત રહ્યા હતા.
