ગાંધીનગરમાં સાયબર ગઠિયાઓનો તરખાટ
સાયબર ગઠિયાઓ દ્વારા ગુ્રપમાં એડ કરીને એપ્લિકેશન ડાઉનલોડ કરાવી છેતરપિંડી ઃ રેન્જ સાયબર ક્રાઇમની તપાસ
ગાંધીનગર : હાલમાં સાયબર ક્રાઇમની ઘટનાઓ વધી રહી છે ત્યારે કુડાસણમાં
રહેતા યુવાન વેપારીને શેરબજારમાં રોકાણની લાલચ આપીને સાયબર ગઠિયાઓ દ્વારા
એપ્લિકેશન ડાઉનલોડ કરાવી તબક્કાવાર ૨૬.૫૨ લાખ રૃપિયા ટ્રાન્સફર કરાવીને છેતરપિંડી
કરી છે. જે સંદર્ભે ગાંધીનગર રેન્જ સાયબર ક્રાઇમ પોલીસ દ્વારા ગુનો દાખલ કરીને વધુ
તપાસ શરૃ કરવામાં આવી છે.
સમગ્ર દેશમાં હાલ સાયબર ક્રાઇમની ઘટનાઓ વધી રહી છે અને સાયબર
ગઠિયાઓ શિક્ષિત યુવાનોને પણ નિશાન બનાવી રહ્યા છે ત્યારે આ વખતે કુડાસણમાં રહેતા અને
અહીં કબીર હેલ્થ વિટામીન ફૂડ ઝોન નામથી વેપાર કરતા કિંજલ રેવાભાઇ પટેલ પણ સાયબર ગઠિયાઓની
જાળમાં ફસાયા છે. જે સંદર્ભે પોલીસ સૂત્રોમાંથી મળતી વિગતો પ્રમાણે ગત બે ડિસેમ્બરના
રોજ તેમને અજાણ્યા નંબર પરથી વોટ્સએપ ગ્પમાં એડ કરવામાં આવ્યા હતા. જેમાં શેર બજારમાં
રોકાણ વિશેની માહિતી આપવામાં આવતી હતી ત્યારબાદ તેમને રમા શેઠ તરીકે અંગત મેસેજ કરવામાં
આવ્યો હતો અને એપ્લિકેશન દ્વારા ટ્રેડિંગ કરવા માટે સૂચન કરવામાં આવ્યો હતો ત્યારબાદ
આ વ્યક્તિએ અરમાન ગોએન્કાનો સંપર્ક કરવા કહ્યું હતું અને એક એપ્લિકેશન ડાઉનલોડ કરાવી
હતી જેમાં તેમણે આઠ ડિસેમ્બરના રોજ ૫૦૦૦ રૃપિયા ટ્રાન્સફર કર્યા હતા અને તેમને નફો
દેખાડવામાં આવ્યો હતો ત્યારબાદ તેમને વિશ્વાસ આવ્યો હતો અને તબક્કાવાર ૨૬.૫૨ લાખ રૃપિયા
ટ્રાન્સફર કરી દીધા હતા. જોકે આ રૃપિયા ઉપાડવાનો પ્રયાસ કરવામાં આવતા તે ઉપડી શક્યા
ન હતા અને ત્યારબાદ તેમની સાથે છેતરપિંડી થઈ હોવાનો અહેસાસ થતાં સાયબર ક્રાઇમ હેલ્પલાઇનમાં
ફરિયાદ કરી હતી. જેથી હાલ આ અંગે ગાંધીનગર રેન્જ સાયબર ક્રાઇમ પોલીસ દ્વારા ગુનો દાખલ
કરીને સાયબર ગઠિયાઓને પકડવા માટે દોડધામ શરૃ કરવામાં આવી છે.
