બાપોદ વિસ્તારમાં રહેતી 40 વર્ષીય પરણીતાએ સસરા અને નણદોઈ સામે મરજી વિરુદ્ધ દુષ્કર્મ આચરવા તથા ઘટના અંગે કોઈને જાણ ન કરવા ધમકી અંગે પતિ વિરુદ્ધ નવાપુરા પોલીસ મથકે ફરિયાદ નોંધાવી હતી. ફરિયાદના આધારે પોલીસે ત્રણેવ આરોપીઓ વિરુદ્ધ બળાત્કાર સહિતની કલમો હેઠળ ગુનો નોધી કાયદેસરની કાર્યવાહી હાથ ધરી હતી.
મળતી માહિતી મુજબ, બાપોદ વિસ્તારમાં રહેતી 40 વર્ષીય મહિલા ઘરકામ કરે છે. સમાજના પ્રીતિ રિવાજ મુજબ તેમના લગ્ન ચાટર્ડ એકાઉન્ટન્ટ દીપેન પટેલ સાથે થયા હતા. લગ્ન જીવન દરમિયાન તેઓને કોઈ સંતાન નથી. મહિલાએ ફરિયાદમાં કહ્યું હતું કે, વર્ષ 2024 જુલાઈ મહિનામાં મારા સસરા પ્રકાશભાઈએ બેડરૂમનો દરવાજો બંધ કરી મરજી વિરુદ્ધ મારી સાથે શારીરિક સંબંધ બાંધ્યા હતા. ત્યારબાદ છ મહિના અગાઉ ઉતરાયણ પર્વે નણદોઈ અમરભાઈ અગાશી પર હોય અને હું ઘરે એકલી હોવાથી એકલતાનો લાભ ઉઠાવી તેઓએ પણ મારી સાથે મરજી વિરુદ્ધ શારીરિક સંબંધ બાંધ્યા હતા. આ અંગે પતિને જાણ કરતા તેઓએ મને ધમકી આપી હતી કે, કોઈને કહીશ તો અંગતપળોના ફોટો- વિડીયો વાયરલ કરી દઈશ. ફરિયાદીએ છ મહિના અગાઉ પણ આરોપીઓ વિરુદ્ધ સ્ત્રી અત્યાચાર અંગે ફરિયાદ નોંધાવી હોવાનું જાણવા મળે છે. પોલીસે પીડીતાની મેડિકલ પ્રક્રિયા હાથ ધરી સાક્ષીઓના નિવેદન નોંધી કાર્યવાહી હાથ ધરી હતી.
