ગંભીર અકસ્માત થવા પાછળનું કારણ શોધવું જરૃરી
સેન્ટ્રલ વિસ્ટા સહિતના ખુલ્લા માર્ગો મોડી રાત્રે રેસીંગ ટ્રેક બની જતા હોવાની ફરિયાદો છતા કાર્યવાહી નહીં
ગાંધીનગર : ગાંધીનગરમાં અકસ્માતોના કિસ્સા ચિંતાજનકરીતે વધી રહ્યા છે.
રોડ સેફ્ટી ઓથોરિટી અને ટ્રાફિક પોલીસ સહિત અન્ય વિભાગો દ્વારા પ્રયત્નો કરવામાં
આવતા હોવાનો દાવો કરવામાં આવે છે તેમ છતા ગમખ્વાર અને ગંભીર અકસ્માતોનો સિલસિલો
અટકતો નથી. ગઇકાલે મોડી રાત્રે સેન્ટ્રલ વિસ્ટા ખાતે પણ ગંભીર અકસ્માત સર્જાયો હતો
જેમાં એક કારે રોડ સાઇડ આવેલા સેફ્ટીરોડ-પોલ અને વીજપોલ સહિત કુલ ૧૨ જેટલા પોલને
તોડી નાંખ્યા હતા.
રાંદેસણમાં રફ્તારના રાક્ષસ હિતેશ પટેલે અક્સમાત વણઝાર
સર્જીને પાંચ વહાનો અડફેટે લીધા હતા અને બે વ્યક્તિના આ અકસ્માતમાં મોત પણ નિપજ્યા
હતા. ત્યાર બાદન્યુ ગાંધીનગર સહિત જ્યાં જ્યા નબીરા બેસી રહેતા હોય છે ત્યાં
ચેકીંગ કરવામાં આવતું હોવાનો તંત્ર દ્વારા દાવો કરવામાં આવે છે પરંતુ મોડી રાત્રે
ગાંધીનગરના ખુલ્લા અને પાકા માર્ગો જાણે રેસીંગના ટ્રેક બની જતા હોય તેમ પુરપાટ
ઝડપે કાર-બુલેટચાલકો પોતાના વાહનો હંકારતા હોય છે. ઘણા નબીરા તો રીતસરની રેસ પણ
લગાવતા હોય છે જેનાથી અકસ્માતનો ભય ઉભો થાય છે. આવી સ્થિતિ વચ્ચે ગઇમોડી રાત્રે
સેન્ટ્રલવિસ્ટા ખાતે એક ગંભીર અકસ્માત સર્જાયો હતો. ટાઉનહોલથી ગ-રોડ તરફ
સેન્ટ્રલવિસ્ટાના માર્ગ ઉપર એક પુરપાટ ઝડપે કાર દોડી હતી અને અહીં સાઇડ પરના
સેફ્ટી રોડ અને પોલ તોડી નાંખ્યા હતા. એક વીજપોલ પણ આ કારની ટક્કરથી તૂટી ગયો છે.
અહીં આ અકસ્માત જોનારાઓનું માનવું છે કે,
દિવસે અહીં આ અકસ્માત થયો હોત તો તે જીવલેણ સાબિત થાત એટલુ જ નહીં, કારની નંબરપ્લેટ
પણ મળી નથી. તો અકસ્માતગ્રસ્ત આજે સવારથી સેન્ટ્રલવિસ્ટાના માર્ગ પર જ પડી હતી જે
આજે ચર્ચાનો વિષય બન્યો છે. સ્થાનિકોનું માનવું છે કે, આવો ગંભીર
અકસ્માત સર્જનાર સામે કાર્યવાહી કરવી જોઇએ જેથી આ રેસીંગ તથા પુરપાટ ઝડપે વાહન
ચલાવવાનું લોકો બંધ કરે.
