– દિલ્હીની છ સ્કૂલોમાં બોમ્બ વિસ્ફોટની ધમકીથી પોલીસ દોડતી થઈ
– ડાર્ક વેબનો ઉપયોગ મોટાભાગે સાયબર ગુના, માનવ તસ્કરી અને ડ્રગ્સ તથા હથિયારોના વેપાર માટે થાય છે
નવી દિલ્હી : દિલ્હીમાં બુધવારે સવારે છ ખાનગી સ્કૂલોને બોમ્બથી ઉડાવવાની ધમકી મળતા સ્કૂલ મેનેજમેન્ટ અને વાલીઓમાં ગભરાટ ફેલાઈ ગયો હતો. દિલ્હીની શૈક્ષણિક સ્કૂલો અને અન્ય સંસ્થાનોને સતત ત્રણ દિવસથી ઈ-મેલથી સ્કૂલોમાં બોમ્બ મુકાયા હોવાની ધમકી મળી રહી છે જ્યારે આ ઈ-મેલ મોકલનારાને શોધી કાઢવામાં દિલ્હી પોલીસ અંધારામાં ફાંફા મારી રહી છે. દિલ્હી પોલીસનો દાવો છે કે એન્ક્રીપ્ટેડ નેટવર્ક્સનો ઉપયોગ કરી ઈ-મેલ મોકલાતા હોવાથી તેને ટ્રેસ કરવા ખૂબ જ મુશ્કેલ છે.
