CBSE Mandatory Disclosure 2026: CBSE બોર્ડના ધ્યાને આવ્યું છે કે અગાઉ અનેકવાર પરિપત્ર બહાર પાડવા છતાં, ઘણી શાળાઓ પોતાની વેબસાઇટ પર ‘મેન્ડેટરી ડિસ્ક્લોઝર'(ફરજિયાત વિગતો) અંતર્ગત આચાર્ય, શિક્ષકો અને ફી માળખા જેવી મહત્ત્વની વિગતો જાહેર કરતી નથી. આ બાબતને ગંભીરતાથી લઈને સેન્ટ્રલ બોર્ડે તમામ શાળાઓને નવો પરિપત્ર જાહેર કરી આદેશ આપ્યો છે કે લાયક શિક્ષકોની તમામ માહિતી ફરજિયાતપણે વેબસાઇટ પર મૂકવી. બોર્ડે વધુમાં ચીમકી આપી છે કે જો હવે પછી આ બાબતે કોઈપણ શાળા વિરુદ્ધ ફરિયાદ મળશે, તો તેને સખત દંડ કરવામાં આવશે.
વાલીઓ માટે શાળાની વિગતો મેળવવી સરળ બનશે
વાલીઓને શાળા વિશેની તમામ મહત્ત્વની વિગતો સરળતાથી મળી રહે તે હેતુથી, દરેક શાળા માટે પોતાની વેબસાઇટ પર આચાર્ય, શિક્ષકો, પ્રવેશ પ્રક્રિયા, પરિણામ અને વિદ્યાર્થીઓની સંખ્યા જેવી માહિતી જાહેર કરવી અનિવાર્ય છે.
