હાથીખાના વિસ્તારમાં ગઇકાલે ત્રાટકેલી ચોર ટોળકીએ એક સાથે 11 દુકાનોના તાળા તોડી હાહાકાર મચાવ્યો છે. અંદાજે 10 લાખની મતા લઇ જનાર ચોર ટોળકી સીસીટીવી કેમેરામાં પણ કેદ થઇ છે. જેના આધારે પોલીસે તપાસ હાથ ધરી છે.
હજી ત્રણ દિવસ પહેલા જ કુંભારવાડા પોલીસ સ્ટેશનની નજીક નામચીન આરોપીએ ફાયરિંગ કરી વિસ્તારમાં ભયનું વાતાવરણ ઊભું કરી દીધું હતુ. ગુનેગારોની જામીન પર છૂટયા પછીની પ્રવૃત્તિઓ પર પોલીસે ધ્યાન આપ્યું હોત તો આ પરિસ્થિતિ સર્જીત નહીં.
