– 108 ટીમે માતા-બાળકનો જીવ બચાવ્યો
– પ્રસૂતિ બાદ માતા અને નવજાત શિશુને પી.એચ.સી. વટામણ ખાતે લઈ સારવાર આપી
ધોળકા : ધોળકાના મોટીબોરૂ ગામની સગર્ભાને અસહ્ય પ્રસવ પીડા થતાં ૧૦૮ ટીમે ઘરે જ સફળ પ્રસૂતિ કરાવી માતા-બાળકનો જીવ બચાવ્યો હતો. ઈ.એમ.ટી. અને પાયલોટના પ્રયાસથી બાળક અને માતાને જીવનદાન મળ્યું
ધોળકા તાલુકા મોટીબોરૂ ગામની ૨૫ વર્ષીય સગર્ભા મહિલાને પ્રસવ પીડા થતાં ૧૦૮ ટીમને જાણ કરવામાં આવી હતી. વટામણ ખાતે કાર્યરત ૧૦૮ એમ્બ્યુલન્સના ઈ.એમ.ટી. હિંમત ચાવડા અને પાયલોટ જયરાજસિંહ ધુમ્મડ સ્થળ પર પહોંચ્યા હતા.
ટીમે સગર્ભા મહિલાના રિપોર્ટ ચેક કરતા માલૂમ પડયું કે તેની હાલત ખૂબ જ ગંભીર છે. પરિસ્થિતિની નાજુકતાને જોતાં, ૧૦૮ વટામણ ટીમે ઘરે જ પ્રસૂતિ કરાવવાનો નિર્ણય લીધો હતો. ઈએમટી હિંમત ચાવડા અને પાયલોટ જયરાજસિંહે ગાયનોકોલોઝિસ્ટની સલાહ-સૂચનથી ઘરે જ સફળતાપૂર્વક પ્રસૂતિ કરાવવામાં આવી હતી. આ સફળ પ્રસૂતિથી બાળક અને માતાને નવું જીવનદાન મળ્યું હતું. પ્રસૂતિ બાદ માતા અને નવજાત શિશુને પી.એચ.સી. વટામણ ખાતે લઈ જવામાં આવ્યા હતા.
