અમદાવાદ,સોમવાર
અમરાઈવાડીમાં મિત્ર સાથે નાસ્તો કરવા ગયેલા યુવક પાસે મિત્રોએ ઉછીના રૃપિયા માંગ્યા હતા. યુવકે રૃપિઆ આપવાની ના પાડતા બે શખ્સોએ યુવક સાથે તકરાર કરીને તલવારના ઘા મારીને લોકડીથી ઢોર માર માર્યો હતો. આ બનાવ અમરાઇવાડી પોલીસે બે લોકો સામે ગુનો નોંધી વધુ તપાસ હાથ ધરી છે.
તારી પાસે રૃપિયા માંગીએ ત્યારે હોતા નથી કહીને તકરાર કરી ઃ યુવક સિવિલમાં સારવાર હેઠળ અમરાઇવાડી પોલીસે ગુનો નોંધ્યો
અમરાઈવાડીમાં રહેતા યુવકે અમરાઇવાડી પોલીસ સ્ટેશનમાં તેના બે મિત્રો સામે ફરિયાદ નોંધાવી છે કે તા. ૧૭ના રોજ ફરિયાદી ઉપરોક્ત મિત્ર સાથે નાસ્તો કરતો હતો. ત્યારે મિત્રોએ યુવક પાસે ઉછીના રૃપિયાની માંગણી કરી હતી.
જો કે યુવકે રૃપિયા આપવાથી ઇન્કાર કરતા બે શખ્સોએ યુવક સાથે તકરાર કરીને યુવકને કહ્યું કે તારી પાસે જયારે પણ રૃપિયા માંગીએ ત્યારે હોતા જ નથી કહીને તકરાર કરી હતી યુવકે ગાળો બોલવાની ના પાડતાં બંને શખ્સોએ યુવકને લાકડીથી ઢોર માર મારીને એક આરોપી તલવાર લઈને આવ્યો અને ફરિયાદી યુવકના કપાળના ભાગે તલવારનો ઘા મારી દેતા યુવક લોહી લુહાણ થઇ હયો હતો. ગંભીર રીતે ઘાયલ યુવકે બુમાબુમ કરતા લોકો એકઠા થઇ જતા આરોપીઓ નાસી ગયા હતા. ઇજાગ્રસ્ત યુવક હાલમાં સિવિલ હોસ્પિટલમાં સારવાર હેઠળ છે.
