Mahisagar Kadana Dam: મહીસાગર જિલ્લામાં આવેલા કડાણા ડેમની જળસપાટીમાં સતત વધારો થઈ રહ્યો છે. ઉપરવાસમાં થયેલા ભારે વરસાદના કારણે રાજસ્થાનના બાસવાડામાં મહીસાગર નદી પર આવેલા માહી બજાજ ડેમમાંથી 17,000 ક્યુસેક પાણી છોડવામાં આવી રહ્યું છે, જેના કારણે કડાણા ડેમમાં પાણીની આવક વધી છે.
કડાણા ડેમમાં પાણીની આવક વધવાને કારણે પાવરહાઉસ ફરી ધમધમતા થયા છે. હાલમાં, બે યુનિટ કાર્યરત કરવામાં આવ્યા છે, જેના પરિણામે 120 મેગાવોટ વીજળીનું ઉત્પાદન શરૂ થઈ ગયું છે. આ ઉપરાંત, વીજળી ઉત્પન્ન કરવા માટે 10,200 ક્યુસેક પાણી છોડવામાં આવી રહ્યું છે અને કડાણા ડાબા કાંઠા કેનાલમાં 75 ક્યુસેક પાણી છોડાઈ રહ્યું છે. પાણીની આવક અને જાવક પર સતત નજર રાખવામાં આવી રહી છે. ડેમ ઓથોરિટી દ્વારા લોકોને સતર્ક રહેવાની અપીલ કરવામાં આવી છે.
ડેમની વર્તમાન સ્થિતિ
કુલ સપાટી: 419 ફૂટ
રૂલ લેવલ: 416 ફૂટ
હાલની સપાટી: 413.7 ફૂટ
આવક: 35,000 ક્યુસેક
જાવક: 10,275 ક્યુસેક
