પશ્ચિમ રેલ્વે મુસાફરોની સુવિધા અને તહેવારોને ધ્યાનમાં રાખી મુંબઈ સેન્ટ્રલ અને ભાવનગર વચ્ચે મુંબઈ સેન્ટ્રલ – ભાવનગર ટર્મિનસ સ્પેશિયલ ટ્રેન વિશેષ ભાડા પર દોડાવશે.
પશ્ચિમ રેલવેના મુખ્ય જનસંપર્ક અધિકારીના જણાવ્યાનુસાર, ટ્રેન નં. 09087 મુંબઈ સેન્ટ્રલ – ભાવનગર ટર્મિનસ સ્પેશિયલ તા.27 ઓગષ્ટના રોજ મુંબઈ સેન્ટ્રલથી બપોરે 12 વાગ્યે ઉપડશે. અને બીજા દિવસે સવારે 5:45 વાગ્યે ભાવનગર પહોંચશે. તેવી જ રીતે, ટ્રેન નં. 09088 ભાવનગર ટર્મિનસ – મુંબઈ સેન્ટ્રલ સ્પેશિયલ 28 ઓગષ્ટના રોજ ભાવનગરથી સાંજે 5:45 વાગ્યે ઉપડશે અને બીજા દિવસે સવારે 7:30 વાગ્યે મુંબઈ સેન્ટ્રલ પહોંચશે. આ ટ્રેન બોરીવલી, પાલઘર, વાપી, વલસાડ, સુરત, વડોદરા, આણંદ , અમદાવાદ, વિરમગામ સહિતના સ્ટેશનો પર બંને દિશામાં ઉભી રહેશે.
