વડોદરા,વડોદરા મ્યુનિસિપલ કોર્પોરેશને વાસણા, અકોટા, માંજલપુર વગેરે વિસ્તારમાંથી દબાણ હટાવ્યા હતા.
દબાણ અને સિક્યુરીટી શાખા દ્વારા વોર્ડ નંબર-૧૩ની ટીમે માર્કેટ ચાર રસ્તા પાસેથી ફૂલનાં પથારા હટાવ્યા હતા. માર્કેટથી મધ્યવર્તી સ્કૂલ દાંડિયાબજાર ચાર રસ્તા સુધીના દબાણ દૂર કરી વહીવટી ચાર્જની વસૂલાત કરી હતી. માંજલપુર કૃત્રિમ તળાવની આજુબાજુ દબાણ પણ દૂર કરાયા હતા. માંજલપુર કોર્પોરેશનના ખુલ્લા પ્લોટમાં પંચશીલ ગ્રાઉન્ડ પાસેના ઝૂપડાનું દબાણ હટાવ્યું હતું.
ઓનલાઇન ફરિયાદના આધારે ગોત્રી હરીનગર, ઓધવપુરા, આનંદ વિદ્યાવિહાર સ્કુલનું ગાડીઓનું પાર્કીંગ જે રોડ સાઇડ પર કરવામાં આવતું હતું, તે ફૂટપાથ ઉપરથી દૂર કરી ફરી પાર્કીંગ ન થાય તેની સૂચના આપી હતી. નીલામ્બર સર્કલથી વાસણા અગ્નિશાંતિ કેન્દ્ર સુધી ઓટલા, શેડ અને બોર્ડના નડતરરૃપ દબાણ દૂર કરાયા હતા. માંજલપુર અલવા નાકાથી જ્યુપીટર ચાર રસ્તા સુધી રોડ પર લાગેલ દબાણનો વહીવટી ચાર્જ વસૂલ કર્યો હતો. ગાય સર્કલથી ઉર્મિ ચાર રસ્તા સુધી, અકોટા ઉમા સર્કલથી ગોવર્ધનનાથજી હવેલી સુધી પાર્કિંગ ઝુંબેશ અંતર્ગત માર્જિનના દબાણ દૂર કરવાની સાથે નડતરરૃપ ઓટલા, દાદર વગેરે હટાવ્યા હતા.
