Vadodara Rain Update : વરસાદની મોસમ વિવિધ રાજ્યોમાં પુર બહારમાં ખીલી છે ત્યારે મેઘો મન મૂકીને વડોદરામાં હજી સુધી વરસીયો નથી. ત્યારે છેલ્લા ત્રણ દિવસથી અવારનવાર ઝરમર વરસાદ આજની પુરાવતો હોવા છતાં પણ વાતાવરણમાં ઉકલાટ અને બફારો ઓછો થતો નથી. શહેરમાં છેલ્લા 24 કલાકમાં માત્ર નામનો જ અડધા ઇંચથી પણ ઓછો વરસાદ નોંધાયો છે.
છેલ્લા ત્રણેક દિવસથી અવારનવાર ઝરમર વરસાદથી રોડ રસ્તા ભીના થાય છે. ચોમાસાની આ સિઝન દરમિયાન હજી સુધી મેઘો મન મૂકીને શહેરમાં વરસ્યો નથી. પરિણામે વાતાવરણમાંથી ઉકલાટ અને બફારો ઓછો થવાનું નામ લેતો નથી.
શહેરમાં છેલ્લા 24 કલાકમાં માત્ર નામ પૂરતો 10 મીમી વરસાદ નોંધાયો છે ત્યારે શહેરની પીવાનું પાણી પૂરું પાડતા આજવા સરોવરની સપાટી 211.05 ફૂટ રહી હતી અને વિશ્વામિત્રી નદીની સપાટી 6.79 ફૂટ રહી હતી.
