વડોદરા : વોટ્સએપ પ્રોફાઇલમાં કંપનીના માલિકનો ફોટો મૂકી નવા પ્રોજેક્ટ માટે પૈસાની જરુર છે તેમ
જણાવી રૃા.૬૯ લાખ ટ્રાન્સફર કરાવી છેતરપિંડી કરવાના બનાવમાં સંડોવાયેલા એક આરોપીએ
આગોતરા જામીન અરજી મૂકતા ન્યાયાધીશે અરજદારની અરજી રદ કરી હતી.
સંજય ભટ્ટાચાર્યએ સાઇબર પોલીસ સ્ટેશનમાં ફરિયાદ નોંધાવી હતી કે, તે
ખાનગી કંપનીમાં નોકરી કરે છે અને તે કંપનીના માલિક અંકુર જૈન છે. ૧૭ ઓક્ટોબરના રોજ
તેમને અજાણ્યા નંબર પરથી વોટ્સએપ મેસેજ આવ્યો હતો અને તેની પ્રોફાઇલમાં તેમના
માલિકનો ફોટો ગ્રાફ્સ હતો.આ શખ્સે કંપનીનો માલિક હોય તે રીતે મેસેજ કર્યો હતો કે,
તે હાલ મીટિંગમાં છે.
નવા પ્રોજેક્ટ માટે પૈસાની જરુર છે એટલે હુ કહું તે બેંક
એકાઉન્ટમાં રૃા.૬૯ લાખ ટ્રાન્સફર કરો એટલે
આ શખ્સ પર વિશ્વાસ મૂકી નાણાં ટ્રાન્સફર કરવામાં આવ્યા હતા અને આ રીતે અજાણ્યા
શખ્સે છેતરપિંડી કરી હતી. આ બનાવમાં તપાસ દરમિયાન અરમાનખાન જોરાવરખાન શુક
(રહે.ભાવનગર)ની સંડોવણી સપાટી પર આવતા તેણે પોલીસ ધરપકડ ટાળવા માટે આગોતરા જામીન અરજી
મુકી હતી. ન્યાયાધીશે અરજદાર સામે ગંભીર પ્રકારનો ગુનો હોઇ તેમજ તેની પૂછપરછની
જરુયાત પડશે તેવી નોંધ સાથે અરજદારની અરજી નામંજૂર કરી હતી.
