(પ્રતિનિધિ તરફથી) અમદાવાદ, શનિવાર
જીએસટીઆર-૭ ફાઈલ કરતી વખતે કે અપલોડ કરતી વખતે સિસ્ટમ ફેલ્યરનો મેસેજ પોર્ટલ પર પોપ અપ થાય તેવા સંજોગોમાં જીએસટી રજિસ્ટર્ડ વેપારી જે ઇન્વોઈસ અપલોડ કરતો હોય તે જ ઇન્વોઈસની વિગતો ફરીથી એન્ટર કરવાની રહેશે. તેની સાથે જ પોતાની જીએસટીઆઈએન નંબર, ઇન્વોઈસ નંબર અને ઇન્વોઈસની ડેટ નાખીને ત્યારબાદ જનરેટ સમરીના બટન પર ક્લિક કરવાનું રહેશે. આ પગલું લેવાથી ઇન્વોઈસનો ડેટા બરાબર કેપ્ચર થઈ જશે. સિસ્ટમ તે ડેટાને સમર્થન પણ આપી દેશે.
ટેકનિકલ ટીમ ઉકેલ ન લાવે ત્યાં સુધી જીએસટી રજિસ્ટર્ડ વેપારીઓ ઓફ લાઈનને બદલે ઓનલાઈન જીએસટીઆર-૭ ફાઈલ કરી શકે
ગુડ્સ એન્ડ સર્વિસ ટેક્સ કાઉન્સિલની ટેકનિકલ ટીમ આ સમસ્યાને વહેલામાં વહેલી ઉકેલી દેવાનો પ્રયાસ કરી રહી છે. આ સમસ્યાનો ટેકનિકલ ટીમ ઉકેલ ન લાવે ત્યાં સુધી જીએસટી રજિસ્ટર્ડ વેપારીઓ ઓફ લાઈનને બદલે ઓનલાઈન કે પછી એપીઆઈમોડનો ઉપયોગ કરીને તેમના જીએસટીઆર-૭ ફાઈલ કરી શકે છે. સામાન્ય રીતે જીએસટીમાં ટીડીએસ કરવા બંધાયેલા લોકોએ જીએસટીઆર-૭ ફાઈલ કરવાનું આવે છે.
જીએસટીઆર-૭ ફાઈલ કરનારાઓમાં સરકારી એજન્સીઓ, મહાનગર પાલિકાઓ અને નગરપાલિકાઓ અને પંચાયત સહિતના સ્થાનિક સત્તાવાળાઓ, સરકારી વિભાગો, જાહેર ક્ષેત્રની કંપનીઓ ઉપરાંત જીએસટી કાઉન્સિલે નોટિફાય કરેલી સંસ્થાઓ માટે જીએસટી પર ટીડીએસ કરવો અને જીએસટીઆર-૭ ફાઈલ કરવું ફરજિયાત છે. ગુડ્સ એન્ડ સર્વિસના સિંગલ કોન્ટ્રાક્ટની વેલ્યુ ૨.૫ લાખ રૃપિયાથી વધી જતી હોય તેવા કિસ્સાઓમાં ટીડીએસ કરીને જીએસટીઆર-૭ ફાઈલ કરવું ફરજિયાત છે.
જીએસટીઆર-૭ ફાઈલ કરનારા ઘણાં લોકોએ ફરિયાદ કરી કે રિટર્ન ફાઈલ કરવાની છેલ્લી ઘડી આવે ત્યારે સિસ્ટમ ફેલ્યરનો મેસેજ આવી જાય છે. ય્જી્ઇ-૭ ફાઈલ કરવામાં તકલીફ પડતી હોય અને જેમના જીએસટીઆર-૭ અપલોડ ન થતાં હોય તેમને માટે ગુડ્સ એન્ડ સર્વિસટેક્સ નેટવર્ક તરફથી પ્રસ્તુત ગાઈડલાઈન્સ બહાર પાડવામાં આવી છે. સ્કેમા વેલિડેશન ફેઈલનો મેસેજ આવે ત્યારે શું કરવું તે અંગે સૂચના આપવામાં આવી છે.
