અમદાવાદ,શનિવાર,11
ઓકટોબર,2025
અમદાવાદ મ્યુનિસિપલ કોર્પોરેશન દ્વારા વિવિધ સરકારી
કાર્યક્રમ ઉપરાંત કોર્પોરેશનની વિવિધ કચેરીઓમાં પાણીની બોટલ પુરી પાડવા માટે પાણી સમિતિ દ્વારા ટેન્ડર
કરાયુ છે.આ ટેન્ડર હાલ ઈવેલ્યુએશન પ્રક્રીયામા છે.બીજી તરફ કોર્પોરેશનના ફુડ
વિભાગે આ પ્રકારની કામગીરી બે વર્ષના સમય માટે કરવા રુપિયા એક કરોડનુ ટેન્ડર અલગથી
કર્યુ છે. ફુડ વિભાગ એ કોર્પોરેશનનો જ એક વિભાગ છે. આમ છતાં અલગથી ટેન્ડર કયા
કારણથી કરાયુ તે મુદ્દે મૌન સેવાઈ રહયુ છે.
પાણી સમિતિએ થોડા સમય પહેલા કોર્પોરેશન અને સરકારી
કાર્યક્રમોમા પાણીની બોટલ પુરી પાડવા ટેન્ડર કર્યુ હતુ. ૫૦૦ મિલીલીટરની પાણીની
બોટલમા પાણીનો બગાડ થતો હોવાનુ ધ્યાનમા આવતા ૨૦૦ મિલીલીટર, ૫૦૦ મિલીલીટર
ઉપરાંત એક લિટરની પાણીની કાચની તેમજ પી.વી.સી.બોટલ પુરી પાડવા ટેન્ડર કરાતા બે
બીડરોએ ટેન્ડર માટે તેમની ઓફર ભરી છે. સત્તાવાર સૂત્રોમાંથી જાણવા મળ્યા મુજબ, ટેકનિકલ અને
ફાયનાન્શિયલ ઈવેલ્યુએશન પ્રક્રીયા બે-ત્રણ દિવસમા પુરી થયા પછી વર્કઓર્ડર
અપાશે.ફુડ વિભાગે પાણી સમિતિ કે વોટર પ્રોજેકટ વિભાગ સાથે સંકલન કરી કોર્પોરેશન
ઉપર પડનાર આર્થિક બોજ ટાળવાના બદલે વિવિધ સરકારી કાર્યક્રમોમાં જરુરીયાત મુજબ ૨૦ લીટરનો
એક જગ ઉપરાંત ૨૫૦ મિલીલીટરના રીયુજેબલ પાણીના પ્લાસ્ટિક અને પેપર ગ્લાસ બે વર્ષ
સુધી પુરા પાડવા રુપિયા એક કરોડની ટેન્ડર રકમ સાથેનુ અલગથી ટેન્ડર બહાર પાડયુ
છે.ટેન્ડરબીડ ૧૧ નવેમ્બરે ખોલવામા આવશે. ફુડ વિભાગે અલગથી પાણી પુરુ પાડવા કરેલા
ટેન્ડરને લઈ કોર્પોરેશનના એક પદાધિકારીએ નામ નહી આપવાની શરતે એટલુ જ કહયુ, ફુડ વિભાગે અમારી
સાથે આ બાબતમા સંકલન કર્યુ નથી.
