ભાજપના પ્રદેશ પ્રમુખ જગદીશ વિશ્વકર્મા તા.૧૪મીના રોજ પ્રથમ વખત વડોદરા આવી રહ્યા છે. તેમના સ્વાગત માટે ભાજપ દ્વારા કારેલીબાગના અંબાલાલ પાર્ક ગરબા ગ્રાઉન્ડ ખાતે મુખ્યમંત્રીની ઉપસ્થિતિમાં અભિવાદન સમારોહ યોજાશે.
સાંજે પ વાગ્યે પ્રદેશ પ્રમુખ ગોલ્ડન ચોકડીથી પ૦૦ કારોના કાફલા સાથે શહેરમાં પ્રવેશ કરશે, આ કાફલામાં એરપોર્ટ સર્કલથી ૨૦૦૦ બાઇકો જોડાશે. અને રેલી સાથે સભા સ્થળે પહોંચશે. ગોલ્ડન ચોકડી તથા એરપોર્ટ સર્કલ ખાતે શહેર તેમજ જિલ્લા ભાજપના આગેવાનો તેમનું સ્વાગત કરશે. મુખ્યમંત્રીની ઉપસ્થિતિમાં પક્ષના કાર્યકરોનું સન્માન પણ કરાશે. કાર્યક્રમ દરમ્યાન ફૂલહાર કેબુકે નહીં, પરંતુ પુસ્તકો અથવા ચોપડા આપી સન્માનિત કરવામાં આવશે. કાર્યક્રમ માટે શહેરમાંથી ૧૫૦ તથા જિલ્લામાં ૧૦૦ બસોની વ્યવસ્થા કરાઈ છે. ૨૫ હજાર લોકો આ કાર્યક્રમમાં જોડાય તેવું આયોજન છે.
