Railway Ticket booking : મુસાફરોની સુવિધાને ધ્યાનમાં રાખીને ભારતીય રેલવે તેના નિયમોમાં સતત અપડેટ કરતું રહે છે. હવે, ફરી એકવાર ટિકિટ બુકિંગ સિસ્ટમમાં સુધારો કરવામાં આવ્યો છે. આ વર્ષની શરૂઆતમાં RailOne એપ લોન્ચ કરવામાં આવી હતી, આ ઍપ દ્વારા મુસાફરો આરક્ષિત (રિઝર્વ્ડ) ટિકિટની સાથે સાથે અનારક્ષિત (અનરિઝર્વ્ડ) ટિકિટ પણ બુક કરી શકે છે. આ ઉપરાંત રેલવેએ મુસાફરીની તારીખ સિવાય, અનામત ટ્રેન ટિકિટ માટે બુકિંગનો સમયગાળો 120 દિવસથી ઘટાડીને 60 દિવસ કરવામાં આવ્યો છે.
આ પણ વાંચો : સ્વામી પ્રસાદ મૌર્યનું વધુ એક વિવાદિત નિવેદન, કહ્યું- ‘જય શ્રીરામનો નારો નફરત ફેલાવવાનું લાયસન્સ’
હવે ટિકિટ બુક કરવામાં રહેશે સુવિધા
આ ઉપરાંત કેટલાક મુસાફરોને ઓનલાઈન બુકિંગ દરમિયાન તેમની પસંદગીનો બર્થ લેવામાં પણ મુશ્કેલીઓનો સામનો કરવો પડતો હતો. નીચેનો બર્થ પસંદ કર્યા પછી પણ ઘણીવાર મુસાફરોને સાઈડ અપર, મિડલ અથવા અપર બર્થ ઓફર કરવામાં આવતો હતો. જો કે, હવે આમાં ફેરફાર કરવામાં આવ્યો છે. હવે, ટિકિટ બુક કરતી વખતે મુસાફરો પાસે નીચેની બર્થ ઉપલબ્ધ હોય તો જ બુક કરવાનું પસંદ કરવાનું ઓપ્શન જોવા મળશે. જો આ ઓપ્શન ઉપલબ્ધ નહીં હોય તો ટિકિટ જ બુક નહીં થાય.
રાત્રે 10:00 થી સવારે 6:00 વાગ્યા સુધી સૂવાની સુવિધા
રિઝર્વેશન કોચમાં રાત્રે 10:00 વાગ્યાથી સવારે 6:00 વાગ્યા સુધી સૂવાની સુવિધા ઉપલબ્ધ છે, જ્યારે બાકીના સમયે સીટ પર બેસવાની સુવિધા ઉપલબ્ધ છે. જો કે, RAC ટિકિટ ધરાવતા મુસાફરો સાઈડ લોઅર બર્થ પર કબજો કરે છે. રાત્રે 10 વાગ્યાથી સવારે 6 વાગ્યા સુધી સાઇડ અપર બર્થ ધરાવતા મુસાફરોને નીચેના બર્થ પર કોઈ દાવો રહેતો નથી, કારણ કે આ સમય દરમિયાન નીચેની બર્થ સ્લીપિંગ (RAC) મુસાફરો માટે આરક્ષિત હોય છે.
આ પણ વાંચો : પાકિસ્તાન બાદ હવે ભારતના લેહમાં 4.1 ની તીવ્રતાના ભૂકંપના આચંકા, 10 કિમી ઊંડાઈએ નોંધાયું કેન્દ્ર
