– આજથી માવઠાંનું જોર નબળું પડશે, મધ્યમ વરસાદની હજુ આગાહી
– સિહોર, વલ્લભીપુર અને ગારિયાધારમાં ઝાપટું, સાંજથી સાર્વત્રિક મેઘવિરામ
ભાવનગર : ભાવનગર શહેરમાં એક ઈંચ જેટલો અને ઘોઘામાં પોણો ઈંચ વરસાદ વરસ્યો હતો.
શહેરમાં વહેલી સવારે ધીમીધારે પાણી વરસ્યા બાદ બપોરના સમયે ધોધમાર એક ઈંચ જેટલો વરસાદ ખાબકી જતાં રસ્તાઓ પર વરસાદી પાણી વહેતા જોવા મળ્યા હતા. દિવસ દરમિયાન અનેક વખત વરસાદી ઝાપટું વરસ્યા બાદ થોડીવાર માટે ઉઘાડ પણ નીકળતો રહ્યો હતો. ઘોઘામાં સવારે પોણો ઈંચ વરસાદ વરસી ગયો હતો. સિહોર, વલ્લભીપુર અને ગારિયાધારમાં પણ ઝાપટું વરસ્યું હતું. બપોર બાદ જિલ્લામાં સાર્વત્રિક મેઘવિરામ રહ્યો હતો. હવામાન વિભાગની આગાહી મુજબ આવતીકાલ સોમવારથી માવઠાંનું જોર નબળું પડી જશે. જો કે, ભાવનગર જિલ્લાના કેટલાક વિસ્તારોમાં હજુ બે-ત્રણ દિવસ મધ્યમ વરસાદ પડવાની સંભાવનાઓ પણ વ્યક્ત કરાઈ હતી.
