વડોદરા,ચોર હોવાની શંકા રાખી બે મિત્રો પર હુમલો કરી જાનથી મારી નાંખવાની ધમકી આપી ભાગી જનાર આરોપી સામે કપુરાઇ પોલીસે ગુનો દાખલ કર્યો છે.
જૂના બાપોદ જકાત નાકા પ્રીતમ નગર સોસાયટીમાં રહેતો નક્ષત્ર કલ્પેશભાઇ વ્યાસ ખાનગી કોલેજમાં એરોનોટિક્સ એન્જિનિયરીંગનો અભ્યાસ કરે છે. કપુરાઇ પોલીસ સ્ટેશનમાં તેણે ફરિયાદ નોંધાવી જણાવ્યું છે કે, ગઇકાલે હું મારૃં ટુ વ્હિલર લઇને મારા મિત્ર ધુ્રવ મહેશભાઇ રાણાના ઘરે જતો હતો. ઉકાજીના વાડિયા પાસે એક યુવક તેનું ટુ વ્હિલર લઇને એકદમ મારી સામે આવી ગયો હતો. તેણે મને ઉભો રાખી કહ્યું કે, તું ચોર છે, કોને મળવા આવ્યો છે ?તેણે ઉશ્કેરાઇને ગાળો બોલી મને માર માર્યોે હતો. મેં મારા મિત્ર ધુ્રવને બોલાવતા આરોપીએ તેને પણ માર મારી ચપ્પુથી હુમલો કર્યો હતો. પરંતુ, ધુ્રવ ખસી જતા બચી ગયો હતો. તેણે ધમકી આપી હતી કે, જો તું પોલીસ કેસ કરીશ તો હું તને જીવવા દઉં નહીં. દરમિયાન લોકો ભેગા થઇ જતા આરોપી ત્યાંથી ભાગી ગયો હતો.
