અમદાવાદ,ગુરુવાર,27 નવેમ્બર,2025
આઠ વર્ષ પહેલા યુનેસ્કોએ અમદાવાદને વૈશ્વિક હેરીટેજ શહેર
જાહેર કર્યુ હતુ. કોટ વિસ્તારમાં હેરીટેજ રહેણાંક બિલ્ડિંગ તોડી કોમર્શિયલ
કોમ્પલેકસ બની ગયા છે. કોટ વિસ્તારના ઐતિહાસિક વારસાને જાળવી નહીં શકેલા
કોર્પોરેશનના શાસકો શહેરમાં ૩૦ માળથી વધુ ઉંચાઈના ૧૭ બિલ્ડિંગ બન્યા હોવાની વાતને
ગૌરવ તરીકે લઈ વિકાસના વખાણ કરતા થાકતા નથી.
શહેરમાં આવેલી મોટાભાગની પોળો ખાલી થઈ ગઈ છે. કેટલાક
પરિવારો મજબુરી વશ રહે છે. જયારે પ્રસિધ્ધિ લેવાની હતી. ત્યારે આજ શાસકો પાછા પડયા
નહતા. હવે શાસકોએ ટોન બદલ્યો છે.સ્ટેન્ડિંગ કમિટી ચેરમેને પીઠ થાબડતા કહયુ, અમદાવાદમાં ૩૦
માળથી વધુ ઉંચાઈના ૧૭ અને ૧૫ માળથી વધુ ઉંચાઈના ૮૨ બિલ્ડિંગ બની ગયા છે. આ છે
અમદાવાદ શહેરનો વિકાસ. શહેરના કોટવિસ્તારની ખાલી થતી જતી પોળો અને તૂટતા જતા
હેરીટેજ બિલ્ડિંગોને બચાવવા શાસકોનુ શું આયોજન છે એ અંગે તેમણે કંઈપણ કહેવાનું
ટાળી દીધુ હતુ.
૩૦ માળથી વધુ ઉંચા બિલ્ડિંગ કયા-કયા?
અનામિકા હાઈ પોઈન્ટ,બોડકદેવ, ગાલા કોર્પોરેટ, ઈસ્કોન-આંબલી રોડ, ધ પાર્ક,આંબલી,
બ્રિલીયા,છારોડી, ધ વેસ્ટિન, શીલજ સર્કલ પાસે, ટ્રેમોન્ટ એડલીપ, છારોડી, એરીસ્ટો ધ ઓપસ
અને આત્મંથન,એસ.જી.હાઈવે, સ્ટેટલેન્ડ, સોલા, એસકેજી સ્કાયલાઈન, બોડકદેવ, સ્કાય ઝેનિયા, હેબતપુર, ટ્રેમોન્ટ ટાવર,ગોતા, ટાઈમ્સ માર્વેલ,ગોતા, ટ્રેમોન્ટ ટેરા,ગોતા, ટાઈમ્સ ટ્રીનીટી, શીલજ, એ.શ્રીધરન વિન, બોડકદેવ, નિરમા કોર્પોરેટ
હાઉસ, બોડકદેવ, નવરત્ન ગુલમહોર
પાર્ક,સેટેલાઈટ
રોડ.
