અમદાવાદ,શુક્રવાર,28
નવેમ્બર,2025
અમદાવાદમાં કોમન વેલ્થ-૨૦૩૦ના આયોજન અગાઉ કોર્પોરેશનની રોડ
કમિટીએ રુપિયા ૪૫ કરોડની બે અલગ અલગ દરખાસ્ત મંજુર કરી છે.જેમાં રાણીપમાં ૧૩ હજાર
સ્કેવર મીટર પ્લોટ એરીયામા ટેનિસ કોર્ટ,
પીકલ અને બાસ્કેટ બોલ સહિતની રમત રમી શકાશે.જાન્સી કન્સ્ટ્રકશન દ્વારા એક
વર્ષના સમયમાં સ્પોર્ટસ કોમ્પલેકસની કામગીરી પુરી કરાશે.
રાણીપ વોર્ડમા આવેલા ન્યુ રાણીપ વિસ્તારમાં બનનારા સ્પોર્ટસ
કોમ્પલેકસમાં ચાર કોર્ટ ઉપરાંત મલ્ટી પરપઝ હોલ, ટેબલ ટેનિસ,
સ્કવોશ કોર્ટ, જિમ્નેશિયમ
તેમજ સ્વિમિંગપુલ બનાવાશે.૫૧ ફોર વ્હીલર અને ૬૪ ટુ વ્હીલર પાર્ક કરી શકાશે.જયુસ
બાર,ફુડ
કોર્ટ તેમજ મેડિકલ રુમ સહિતની અન્ય તમામ સુવિધા ઉપલબ્ધ કરાવાશે.પીકલ બોલ માટે બે
કોર્ટ બનાવાશે.નારણપુરા વોર્ડમાં ૩૧૫૧ ચોરસ મીટરના પ્લોટમાં રુપિયા ૨.૪૬ કરોડના
ખર્ચથી પ્લે ગ્રાઉન્ડ બનાવાશે.કોન્ટ્રાકટર યમુનેશ કન્સ્ટ્રકશન નવ મહિનાના સમયમાં
પ્લે ગ્રાઉન્ડ તૈયાર કરી દેશે.પ્લે ગ્રાઉન્ડમાં ૪.૫૦ મીટરનો વોક વે બનાવાશે.ઓપન ગ્રાઉન્ડમાં ક્રીકેટ, વોલીબોલ અને
ફુટબોલ જેવી રમત રમી શકાશે.પ્લોબ્બાઉન્ડ્રીની બહાર પાર્કિંગની વ્યવસ્થા
કરાવાશે.કોમન વેલ્થ ગેમ્સનુ યજમાનપદ અમદાવાદને મળતા મ્યુનિ.કમિટીઓમાં આવનારા
સમયમાં કરોડોના કામ મંજુર કરાશે.
રાણીપ જિમ્નેશિયમ -પુસ્તકાલય પી.પી.પી.મોડલથી ચલાવા આપી દેવાયુ
શહેરના રાણીપ વોર્ડમાં મ્યુનિસિપલ કોર્પોરેશન દ્વારા
બનાવવામા આવેલ જિમ્નેશિયમ અને પુસ્તકાલય પી.પી.પી. મોડલથી સોફટ ટેનિસ એસોશિએશન ઓફ
ગુજરાતને વાર્ષિક રુપિયા ૫ લાખની ભાડાની
રકમથી પાંચ વર્ષ માટે ચલાવવા આપવા રીક્રીએશન કમિટીમાં દરખાસ્ત મંજુર કરાઈ હતી.પાંચ
વર્ષ પછી સમીક્ષા કરી વધુ ત્રણ વર્ષ માટે ચલાવવા આપી શકાય એવી સંભાવના વ્યકત કરાઈ
છે.
રાણીપ રેલ્વે બ્રિજ નીચે સ્પોર્ટસ એકિટીવીટી સેન્ટર ચલાવા
અપાયુ
રાણીપમાં આવેલા રેલ્વે બ્રિજ નીચે કોર્પોરેશન તરફથી
સ્પોર્ટસ એકિટીવીટી સેન્ટર બનાવવામા આવ્યુ છે. આ સેન્ટર વાર્ષિક રુપિયા ૨.૧૧ લાખના
ભાડાથી પ્રદીપ બાર ને પી.પી.પી.ધોરણે ત્રણ વર્ષ માટે ચલાવવા રીક્રીએશન કમિટીએ
મંજુરી આપી છે.અહીં એર હોકી,ટેબલ
ટેનિસ, હોકી
ઉપરાંત ચેસ,કેરમ, બોકસ ક્રીકેટ, પીકલ બોલ, બાસ્કેટ બોલ જેવી
રમત રમી શકાશે.
આંબાવાડીમાં મહિલાઓ માટે સ્વિમિંગ પુલ બનશે
અમદાવાદના આંબાવાડી વિસ્તારમાં
કલાઉડ-૯ પાસે આવેલા કોર્પોરેશનના પ્લોટમાં
મહિલાઓ માટે રુપિયા ૧૦ કરોડના ખર્ચથી સ્વિમિંગ પુલ અને જિમ્નેશિયમ બનાવવા
કોન્ટ્રાકટર યમુનેશ કન્સ્ટ્રકશનને કામગીરી રોડ કમિટીમા અપાઈ છે.૫૩૫૧ ચોરસ મીટર
પ્લોટ એરીયામા ગ્રાઉન્ડ ફલોર ઉપર સ્વિમિંગ પુલ અને પહેલા માળ ઉપર જિમ્નેશિયમ
સહિતની અન્ય સુવિધા ઉપલબ્ધ કરાવાશે.
મ્યુનિ.ના સ્વિમિંગ પુલ માટે આઉટ સોર્સિંગથી કોચ લેવાશે
અમદાવાદના વિવિધ વિસ્તારમાં આવેલા
સ્વિમિંગ પુલ માટે આઉટ સોર્સિંગથી લેવામા આવતા કોચને લઈ એક વર્ષ અગાઉ એલિસબ્રિજના
ધારાસભ્યે સંકલન સમિતિની બેઠકમાં કોર્પોરેશન તરફથી એજન્સીને કોચ દીઠ આપવામા આવતી
રકમની સામે કોચને ઓછી રકમ ચૂકવી શોષણ કરાતુ હોવાની ફરિયાદ કરતા એજન્સીને બ્લેક
લિસ્ટ કરાઈ હતી. રીક્રીએશન કમિટીએ પ્રો-સ્પોર્ટસ એન્ટર પ્રાઈસ પાસેથી સિઝન મુજબ
અલગ અલગ કોચ લેવા માટે ટેન્ડરને મંજુરી આપી હતી.જુના ટેન્ડરમાં કોચને માસિક રુપિયા
૧૮ હજાર ચૂકવવામા આવતા હતા. શુક્રવારે મંજુર કરાયેલા ટેન્ડરમા પણ કોચ દીઠ માસિક રુપિયા
૧૮ હજાર રાખવાની શરત રખાઈ છે.આ પરિસ્થિતિમા જુની એજન્સીને બ્લેક લિસ્ટ કરી કયા
કારણથી નવુ ટેન્ડર કરાયુ એનો ચેરમેન જવાબ આપી શકયા નહોતા.આસિસ્ટન્ટ સ્વિમિંગ કોચ,પુરુષની ૩૬ અને
મહિલાની ૩૮ જગ્યા ખાલી છે.
