Parliament Session : શિવસેનાએ મંગળવારે સંસદમાં ચૂંટણી પ્રક્રિયામાં વ્યાપક સુધારા કરવાની જરૂરિયાત પર ભાર મૂક્યો હતો અને સરકાર સમક્ષ તમામ ચૂંટણીઓ માટે ‘એકલ મતદાર યાદી’ અને ‘રિમોર્ટ વોટિંગ’નો અધિકાર સુનિશ્ચિત કરવાની માંગ કરી હતી.
ચૂંટણી લડવા માટેની ઉંમર ઘટાડો : શિવસેના સાંસદ
શિવસેનાના સાંસદ શ્રીકાંત શિંદેએ લોકસભામાં ચૂંટણી સુધારાઓ પરની ચર્ચા દરમિયાન કહ્યું હતું કે, ચૂંટણી પ્રક્રિયામાં મોટા સુધારાની આવશ્યકતા છે અને આ દિશામાં સરકારના તમામ પ્રયાસો યોગ્ય છે, જેમાં વિશેષ ગહન પુનરીક્ષણ (SIR)ની પ્રક્રિયા પણ સામેલ છે. તેમણે ચૂંટણી લડવાની ન્યૂનતમ ઉંમર 25 વર્ષથી ઘટાડીને 18 અથવા 21 વર્ષ કરવાનો સૂચન કર્યુંછે. શ્રીકાંત શિંદેએ દલીલ કરી કે, જ્યારે 18 વર્ષની ઉંમર પ્રાપ્ત કર્યા પછી યુવાનોને મતદાન કરવાનો અધિકાર મળે છે, તો પછી ચૂંટણી લડવા માટે ન્યૂનતમ ઉંમર 18 કે 21 વર્ષ કરવામાં કોઈ મુશ્કેલી ન હોવી જોઈએ.
આ પણ વાંચો : VIDEO : 25 લોકોના જીવ લેનારી ગોવાની નાઇટ ક્લબને તોડી પડાઈ, ફરાર માલિકો વિરુદ્ધ બ્લૂ કોર્નર નોટિસ
એકલ મતદાર યાદી લાગુ કરો : શ્રીકાંત શિંદે
શિવસેનાના સાંસદે કેન્દ્ર સરકારને ‘એક રાષ્ટ્ર, એક ચૂંટણી’ ના સૂચનની સાથે સાથે તમામ ચૂંટણીઓ માટે ‘એકલ મતદાર યાદી’ લાગુ કરવા માટે પણ અપીલ કરી હતી. આ ઉપરાંત, તેમણે પોતાના મતદાન કેન્દ્રથી દૂર બેઠેલા મતદારોને ત્યાંથી જ મત નાખવાની વ્યવસ્થા એટલે કે ‘રિમોર્ટ વોટિંગ’ નો અધિકાર સુનિશ્ચિત કરવાની પણ માંગ કરી હતી.
શિંદેએ કોંગ્રેસ પર સાધ્યું નિશાન
તેમણે વિપક્ષ પર નિશાન સાધતા આરોપ લગાવ્યો કે કોંગ્રેસના શાસનકાળમાં મતદાન પેટીઓમાં એસિડ નાખીને મતપત્રોને નષ્ટ કરવામાં આવતા હતા. તેમણે કહ્યું કે કેટલાક રાજકીય પક્ષોને મતદાર યાદીઓના વિશેષ ગહન પુનરીક્ષણ (SIR) થી એટલા માટે મુશ્કેલી છે, કારણ કે તેઓ માત્ર ‘વોટ બેંકની રાજનીતિ’ કરી રહ્યા છે.
આ પણ વાંચો : ‘દેશની તમામ યુનિવર્સિટીઓમાં RSSના કુલપતિ’ લોકસભામાં SIR પર ચર્ચા ટાણે રાહુલ ગાંધીના કેન્દ્ર પર પ્રહાર
