Palladium Business Hub Fire: અમદાવાદના ચાંદખેડા વિસ્તારમાં ન્યૂ સી.જી. રોડ પર પેલેડિયમ બિઝનેસ હબમાં આગ લાગવાની ઘટના બની હતી. પેલેડિયમ બિઝનેસ હબમાં બીજા માળ પર આગ લાગવાની માહિતી મળતા જ ફાયર વિભાગની 5 ગાડીઓ ઘટના સ્થળે પહોંચી હતી.આગ બૂઝાવવાની કામગીરી હાથ ધરાઈ હતી. બે કલાકની જહેમત બાદ આગ પર કાબૂ મેળવી લેવાયો છે. જોકે સદનસીબે કોઈ જાનહાનિના કે કોઈ ફસાયું હોવાના અહેવાલ નથી. આગના ગોટેગોટા દેખાતા આસપાસના લોકોમાં ડરનો માહોલ દેખાયો હતો.
વિસત ગાંધીનગર હાઇવે પર 4D મોલની સામે આવેલા પેલેડિયમ બિઝનેસ હબના બીજા માળે આગનો બનાવ બન્યો હતો. તકેદારીના ભાગરૂપે તાત્કાલિક બિલ્ડિંગનું કોમ્પલેક્ષ ખાલી કરાવી દેવામાં આવ્યું હતું. બાદમાં ફાયર વિભાગ પાણીનો મારો ચલાવી આગને કાબૂમાં લીધી હતી.
બીજા માળે આવેલા સ્પા સેન્ટરમાં આગ લાગી હતી. માલાન-સામાન બળીને ખાક થઈ જતાં મોટું નુકસાન વેઠવાનો વારો આવ્યો છે.
