– અગાઉના સ્થળે રોડની નજીક ગ્રાઉન્ડ ફ્લોર ઉપર રાખવા માંગ
– પહેલા માળે આવેલી પોસ્ટ ઓફિસના કારણે અશક્ત- વૃદ્ધોને હાલાકી, પાર્કિંગની પણ સમસ્યા
નડિયાદ : નડિયાદ પશ્ચિમ વિસ્તારમાં પટેલ સોસાયટીમાં આવેલી પોસ્ટ ઓફિસને રેલવે સ્ટેશન પર ખસેડવામાં આવી છે. જેના કારણે વૃદ્ધ- અશકતોને ઘણી જ હાલાકી ભોગવવી પડી રહી છે. ત્યારે આ પોસ્ટ ઓફિસને પશ્ચિમમાં રોડ નજીકના સ્થળે ખસેડવા માંગણી કરાઈ છે.
નડિયાદ પશ્ચિમ વિસ્તારમાં વર્ષોથી પટેલ સોસાયટીમાં કાર્યરત પોસ્ટ ઓફિસને નડિયાદ રેલવે સ્ટેશનની બિલ્ડિંગમાં પહેલા માળે ખસેડવામાં આવી છે. જેથી વયોવૃદ્ધ નાગરિકોને પોસ્ટ ઓફિસના દાદરા ચડવામાં ઘણી મુશ્કેલી વેઠવી પડે છે. ઉપરાંત પોસ્ટ ઓફિસના સ્થળે અરજદારોના વાહનોના પાકગ માટે પૂરતી સુવિધા ન હોવાથી વાહન પાર્ક કરવાની મુશ્કેલી વેઠવી પડે છે. આ મુશ્કેલીના નિવારણ માટે નડિયાદ મહાનગર નાગરિક સમિતિએ મુખ્ય પોસ્ટ ઓફિસના અધિકારીને લેખિતમાં રજૂઆત કરી આ પોસ્ટ ઓફિસને નડિયાદ પશ્ચિમ વિસ્તારમાં અગાઉના સ્થળે પટેલ સોસાયટી અથવા નજીકના રોડ-ટચ ગ્રાઉન્ડ ફ્લોર પર ખસેડવા માટે માંગણી કરી છે.
વધુમાં બીએસએનએલ ઓફિસમાં ખાલી પડેલા રૂમમાં પોસ્ટ ઓફિસ શરૂ કરી શકાય તેવી જગ્યા હોવાનું જણાવ્યું છે. અગાઉ નડિયાદ રેલવે સ્ટેશન ખાતેની આરએમએસ (રેલવે મેઈલ સવસ) ઓફિસને આણંદ ખસેડી દેવામાં આવી હતી. આરએમએસ પોસ્ટ ઓફિસ નડિયાદ ખાતે શરૂ કરાવવા ઉગ્ર રજૂઆતને પગલે તેને ફરીથી નડિયાદ પરત લાવવામાં આવી હતી.
ત્યારે નડિયાદ રેલવે સ્ટેશન પરની પોસ્ટ ઓફિસને નડિયાદ પશ્ચિમ વિસ્તારમાં લોકોને અનુકૂળતા રહે તેવા સ્થળે ખસેડવા માંગણી ઉઠી છે.
