પોર નજીક આવેલા બામણ ગામમાં આવેલી એક ઈન્ડસ્ટ્રીયલ કંપનીમાં અચાનક આગ લાગી હોવાનિ ઘટના સામે આવી છે. બીટુમીન મેન્યુફેક્ચરિંગ કરતી કંપનીમાં શોર્ટ સર્કિટના કારણે આગ ફાટી નીકળી હોવાનું જાણવામાં મળ્યું છે. જોકે સદનસીબે આગ લાગી હોવાની ઘટનામાં કોઈ જાનહાની નોંધાઈ નથી.
વડોદરા શહેર નજીક પોર પાસે આવેલા બામણ ગામમાં ટેકનોબીટ ઈન્ડસ્ટ્રીઝ પ્રાઇવેટ લિમિટેડ કંપનીમાં બીટુમીન મેન્યુફેક્ચરિંગ કરવાનું કામ ચાલી રહ્યું હતું. તે દરમિયાન અચાનક શોર્ટ સર્કિટ થવાથી કંપનીમાં આગ લાગી હતી. આગની જાણ થતાં જ વડોદરા અને કરજણ ફાયર સ્ટેશનને તાત્કાલિક કોલ મળ્યો હતો. જેથી ફાયર બ્રિગેડની ટીમો લાય બંબા સાથે ઘટનાસ્થળે પહોંચી તાત્કાલિક દોડી આવી હતી. પાણીનો મારો ચલાવી આગ પર કાબૂ મેળવ્યો હતો. સમયસર કાબુ મેળવી લેતા કાર્યવાહી થવાથી મોટો અકસ્માત ટળી ગયો હતો.આ આગની ઘટનામાં કોઈ કર્મચારી દાઝયા કે જાનહાની પહોંચી ન હતી. ઉલ્લેખનીય વડોદરા ફાયર કંટ્રોલરૂમ તરફથી જીઆઇડીસી ફાયર સ્ટેશનની અંદર કોલ મળ્યો હતો કે બામણ ગામમાં આવેલી કંપનીમાં જીઆઇડીસી ફાયર સ્ટેશનની ટીમ તાત્કાલિક ઘટના સ્થળે આવી ગઈ હતી અને આગ પર કાબુ મેળવી લેવામાં આવ્યો હતો અને સંપૂર્ણ કાબુમાં લીધી છે. આગના કારણે આગની ઘટનામાં કોઈ જાનહાનિ થઈ નથી.
