વડોદરાઃ વોટ્સએપ હેક કરીને સંપર્ક નંબરો પર વાત કરી રૃપિયા પડાવતા વડોદરાના એક ભેજાબાજને નડિયાદ પોલીસે ઝડપી પાડતાં જુદાજુદા શહેરોમાં આચરેલા ૧૦ જેટલા સાયબર ફ્રોડના બનાવોની વિગતો બહાર આવી છે.
નડિયાદની એક સ્કૂલના વાલીઓના ગુ્રપમાંથી કોઇ એક વાલીનું વોટ્સએપ હેક કર્યા બાદ ભેજાબાજે ગુ્રપમાં સામેલ બીજા વાલી સાથે વાત કરી રૃ.૧૪ હજાર ટ્રાન્સફર કરાવી લીધા હતા.ત્યારબાદ ભેજાબાજે વધુ રકમ માગતાં રૃપિયા આપનાર વાલીએ ક્રોસ ચેક કર્યું હતું.જેમાં રૃપિયા માગનાર વ્યક્તિ ઠગાઇ કરતી હોવાનું જણાઇ આવતાં તેમણે નડિયાદ પશ્રિમ પોલીસના પીઆઇ કે એચ ચૌધરીને ફરિયાદ કરી હતી.
ઉપરોક્ત બનાવની તપાસ બાદ નડિયાદ પોલીસે વડોદરા પાસે પોર રમણગામડી ખાતે રહેતા અને હાલમાં છાણીમાં રહેવા ગયેલા પ્રિતેશ મહેશભાઇ પ્રજાપતિને વડોદરામાંથી ઝડપી પાડયો હતો.પોલીસે તેની પૂછપરછ કરતાં છેલ્લા કેટલાક સમયથી આ રીતે રૃપિયા ટ્રાન્સફર કરાવતો હોવાની વિગતો બહાર આવી હતી.
આરોપીએ ખેડા,નડિયાદ,રાજકોટ, અને વલસાડ જેવા સ્થળોએ ૧૦ જેટલા લોકો પાસેથી રકમો પડાવી હોવાની વિગતો ખૂલતાં તેને તા.૨૫ સુધી રિમાન્ડ પર લેવામાં આવ્યો છે.પોલીસે તેનો મોબાઇલ પણ કબજે કરી ફોરેન્સિક લેબમાં મોકલવા તજવીજ કરી છે.
મેટ્રિક સુધીનો અભ્યાસ છતાં હેકિંગમાં માહેર
પ્રાપ્ત વિગતો મુજબ,પ્રિતેશ મેટ્રિક સુધી અભ્યાસ કર્યો છે.ત્યારબાદ તેણે આગળ અભ્યાસ કર્યો નહતો અને ધંધામાં લાગી ગયો હતો.આમ છતાં તે મોબાઇલ હેક કરવામાં માહેર થઇ ગયો હતો.ટ્રાન્સફર કરાવી લીધેલી રકમ ૧૦-૨૦ હજાર જેટલી હોવાથી લોકો ફરિયાદ કરવાનું પણ ટાળતા હતા.
કઇ રીતે વોટ્સએપ હેક કરતો હતો
પોલીસના કહ્યા મુજબ,પ્રિતેશ અણધાર્યા મોબાઇલ નંબરની ટ્રુ કોલર પરથી નામ મેળવી ગૂગલ પરથી વધુ ડીટેલ મેળવતો હતો.ત્યારબાદ તે વ્યક્તિ સાથે તેનું નામ લઇને વાત કરતો હતો અને ભૂલથી તમારા નંબર પર મારો ઓટીપી આવી ગયો છે તેમ કહીને ઓટીપી મેળવી લેતો હતો.આ સાથે જ સામેની વ્યક્તિનું વોટ્સએપ હેક થઇ જતું હતું.ત્યારપછી તે ફટાફટ કોન્ટેક્ટ નંબર અને ગુ્રપ મેમ્બર્સનો સંપર્ક કરી રૃપિયા માંગતો હતો.
ધંધામાં ખોટ જતાં સાયબર ફ્રોડ કરવા માંડયો
પોલીસની પ્રાથમિક તપાસમાં એવી વિગતો બહાર આવી છે કે,પ્રિતેશ કાપડનો ધંધો કરતો હતો અને તેમાં તેને ખોટ જતાં રૃપિયા મેળવવા માટે મોબાઇલનો ઉપયોગ શરૃ કર્યો હતો. સાયબર ફ્રોડમાં આસાની થી કોઇને કોઇ ફસાઇ જતું હતું.
