– ધંધૂકા પોલીસ મથકમાં અજાણ્યા શખ્સ વિરૂધ્ધ ફરિયાદ
– યુવાનના મોબાઈલમાં એપીકે ફાઇલ આવી અને તુરત જ રૂપિયા કપાયા
ભાવનગર : ધંધૂકાના રેલવે સ્ટેશન પાછળ આવેલા સથવારા સોસાયટી પ્લોટ વિસ્તારમાં રહેતા યુવાનના મોબાઈલ વોટ્સએપ પર એપીકે ફાઇલ આવતાની સાથેજ અલગ અલગ સમયે રૂ.૪૩ હજાર એકાઉન્ટમાંથી કપાઈ ગયા હતા.
ધંધૂકાના રેલવે સ્ટેશન પાછળ આવેલા સથવારા સોસાયટી પ્લોટ વિસ્તારમાં રહેતા કલ્પેશકુમાર ધનજીભાઈ હિરાણી ગઈ તા.૨૬ – ૧૦ – ૨૦૨૫ ના રોજ ધંધુકા કોલેજ રોડ ખાતે હાજર હતા તે દરમિયાન કલ્પેશકુમારના મોબાઇલ વોટસએપ એકાઉન્ટ ઉપર મોબાઇલ નંબર ૮૭૬૬૩૫૫૨૯૬ ઉપરથી એક આરટીઓ ચલણની એપીકે ફાઇલ આવી હતી.જે ફાઇલ કલ્પેશકુમારે ખોલતા કલ્પેશકુમારના એચડીએફસી બેંક એકાઉન્ટ નંબરમાથી પ્રથમ ૯૪૮ રૂપિયા અને ત્યારબાદ ૪૨,૫૯૯ રૂપિયા એમ કુલ ૪૩,૫૪૭ રૂપિયા કપાય ગયા હતા. જે મતલબ નો મેસેજ મારા મોબાઇલ ઉપર આવતા તુરંત જ કલ્પેશકુમારએ બીજા મોબાઇલ નંબર પરથી ૧૯૩૦ ઉપર ફોન કરી કંમ્પલેઇન લખાવી હતી.આ બનાવ સંદર્ભે કલ્પેશકુમારે અજાણ્યા શખ્સ વિરૂધ્ધ ધંધુકા પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.
ગઠિયાએ આરટીઓ ચલણની એપીકે ફાઇલ મોકલી હતી
ધંધુકા ખાતે રહેતા યુવાનને આરટીઓ ચલણની એપીકે ફાઇલ મોકલી અજાણ્યા શખ્સે ઓનલાઇન ફોર્ડ આચર્યું હતું.સાયબર ગઠિયાઓ નવી નવી ટ્રક અજમાવી લોકો સાથે ફોર્ડ આચરી લોકો પાસેથી રૂપિયા ખંખેરી રહ્યા છે.
