Kawant Famous Gher Mala in Chhota Udepur: છોટાઉદેપુર જિલ્લાના કવાંટ ખાતે યોજાતો ‘ગેરનો મેળો’ માત્ર એક ઉત્સવ નથી, પરંતુ આદિવાસી સમાજની પરંપરા, શ્રદ્ધા અને અનોખી કલાનો જીવંત દસ્તાવેજ છે. હોળીના પર્વ બાદ જ્યારે આદિવાસી પંથકમાં આસ્થાનું ઘોડાપૂર ઉમટે છે, ત્યારે કવાંટની ધરતી ગેરૈયાઓના થાપ અને મંજીરાના નાદથી ગુંજી ઉઠે છે.
ખેતીમાં સમૃદ્ધિ અને સુખાકારી માટે 5 દિવસની કઠોર તપસ્યા બાદ, લાલ પાઘડી અને લીલા વસ્ત્રોમાં સજ્જ ગેરૈયાઓ જ્યારે ગેરના મેળામાં ઉતરે છે, ત્યારે જોનાર મંત્રમુગ્ધ થઈ જાય છે. અહીં કોઈ રંગો ઉડાડવામાં આવતા નથી, છતાં આદિવાસી યુવક-યુવતીઓના આભલા જડેલા રંગબેરંગી વસ્ત્રો આખા મેળાને મેઘધનુષી રંગોથી ભરી દે છે.
સ્થાનિકોથી લઈને વિદેશી સહેલાણીઓ સુધી સૌ કોઈ આ ઐતિહાસિક ગેરના મેળાની ભવ્યતામાં ખોવાઈ જાય છે. આવો, નિહાળીએ આ ભવ્ય લોકમેળાના કેટલાક અદભૂત અને સંસ્કૃતિને ઉજાગર કરતી તસવીરો.
