Vadodara Police : વડોદરા પોલીસે સિકલીગર ગેંગના એક રીઢા ઘરફોડિયા ચોરને ઝડપી પાડતા અમદાવાદ અને વડોદરાની સાત ચોરીના બનાવોનો ભેદ ખુલ્યો છે.
વડોદરાના વિશ્વામિત્રી બ્રિજ પાસેથી પોલીસે જશપાલસિંગ ઉર્ફે બચુ સિંગ દુધાણી (સિકલીગર) ને ઝડપી પાડતા તેની પાસેથી ચાંદીનું બિસ્કીટ, સિક્કો અને 23,500 રોકડા મળ્યા હતા. જેથી પોલીસે પૂછપરછ કરતા આ ચીજ વસ્તુઓ મકાનમાંથી ચોરી હોવાની વિગત ખુલી હતી.
રીઢા ઘરફોડિયા ચોરે છેલ્લા પાંચ દિવસમાં ફતેપુરાના કોયલી ફળિયા તેમજ ગોત્રીના ગોકુલ પાર્ટી પ્લોટ પાસેના મકાનમાં ચોરી કર્યાની એમ જ અમદાવાદમાં પણ જુદા જુદા ચાર સ્થળે ચોરી કરી હોવાની કબુલાત કરી હતી.
અગાઉ વારસિયા વિમાના દવાખાના પાસે રહેતા અને હાલમાં વિશ્વામિત્ર બ્રિજ પાસે મહાકાળી નગરમાં રહેતા જશપાલસિંગ સામે અગાઉ પણ એક ડઝનથી વધુ ગુના નોંધાયેલા હતા, અને મકરપુરામાં નોંધાયેલા ગુજસીટોકના ગુનામાં ત વોન્ટેડ હોવાનું પોલીસે જણાવ્યું હતું.
