ઈરાન યુદ્વ મોરચે ગમે તે ઘડીએ સમજૂતીની અટકળો
મુંબઈ : ઈરાન વિરૂધ્ધ ઈઝરાયેલ-અમેરિકાનું યુદ્વ વિશ્વના ઓઈલ-ગેસના પુરવઠા સાથે અન્ય ચીજોના આયાત-નિકાર વેપારને ઠપ્પ કરી દેનારૂ કટોકટીનું બની રહ્યું હોઈ યુદ્વમાં સ્ટ્રેટ્સ ઓફ હોર્મુસ થકી થતાં જહાજોના વહનને અટકાવી દેનાર ઈરાનના પ્રતિકાર માટે અમેરિકી રાષ્ટ્રપતિ ડોનાલ્ડ ટ્રમ્પે નાટો દેશોને મદદે આવવા આજીજી કરવા લાગતાં, પરંતુ નાટો દેશો આ મામલે હજુ અસંમત હોઈ નાટો સંગઠનમાં તડાં વચ્ચે ગમે તે ઘડીએ યુદ્વ મામલે સમજૂતીની અટકળો થવા લાગતાં આજે શેરોમાં છેલ્લા બે કલાકમાં મંદીના ખેલાડીઓએ મોટું શોર્ટ કવરિંગ કર્યું હતું. ફંડો, ખેલંદાઓની ઓટોમોબાઈલ, બેંકિંગ, મેટલ-માઈનીંગ, એફએમસીજી શેરોમાં પોઝિશન કવર થતી જોવાઈ હતી. જો કે કેપિટલ ગુડઝ-પાવર, ઓઈલ-ગેસ અને હેલ્થકેર શેરોમાં સતત વેચવાલીનું દબાણ રહ્યું હતું. ઈન્ડેક્સ બેઝડ આજે આરંભમાં ઘટયા મથાળેથી ઝડપી રિકવરી જોવાઈ હતી. સેન્સેક્સ આજે એક તબક્કે ઘટીને ૭૩૯૪૯.૭૬ સુધી આવ્યા બાદ ઘટયામથાળેથી ૧૮૫૫.૫૧ પોઈન્ટના ઉછાળે ઉપરમાં ૭૫૮૦૫.૨૭ સુધી જઈ અંતે આગલા બંધની તુલનાએ ૯૩૮.૯૩ પોઈન્ટ વધીને ૭૫૫૦૨.૮૫ બંધ રહ્યો હતો. જ્યારે નિફટી ૫૦ સ્પોટ એક તબક્કે ૨૩૦૦૦ની સપાટી ગુમાવી નીચામાં ૨૨૯૫૫.૨૫ સુધી આવ્યા બાદ ઘટયામથાળેથી ૫૪૬.૭૫ પોઈન્ટ ઉછળી ઉપરમાં ૨૩૫૦૨ સુધી જઈ અંતે આગલા બંધની તુલનાએ ૨૫૭.૭૦ પોઈન્ટ ઉછળીને ૨૩૪૦૮.૮૦ બંધ રહ્યો હતો.
ઓટો ઈન્ડેક્સ ૬૬૨ પોઈન્ટ રિકવર થયો : અપોલો ટાયર, મહિન્દ્રા, બજાજ ઓટો, હીરો ઝડપી વધ્યા
ઓટોમોબાઈલ કંપનીઓના શેરોમાં પાછલા દિવસોમાં સતત મંદીના હેમરિંગે કડાકો બોલાઈ ગયા બાદ આજે ઘટાડે શોર્ટ કવરિંગ થતાં રિકવરી જોવાઈ હતી. અપોલો ટાયર રૂ.૧૩.૫૫ વધીને રૂ.૪૧૩.૯૫, મહિન્દ્રા એન્ડ મહિન્દ્રા રૂ.૮૪.૫૦ વધીને રૂ.૩૦૩૫.૭૦, બજાજ ઓટો રૂ.૧૯૮.૮૦ વધીને રૂ.૯૦૭૮.૬૫, હીરો મોટોકોર્પ રૂ.૭૨.૭૦ વધીને રૂ.૫૨૭૭.૦૫, મારૂતી સુઝુકી રૂ.૧૬૪.૮૫ વધીને રૂ.૧૨,૭૫૩.૩૦, ભારત ફોર્જ રૂ.૨૧.૩૦ વધીને રૂ.૧૬૯૬.૯૦, આઈશર મોટર્સ રૂ.૭૯.૭૫ વધીને રૂ.૬૮૨૫, બોશ રૂ.૧૮૪.૨૦ વધીને રૂ.૩૦,૩૮૦ રહ્યા હતા. બીએસઈ ઓટો ઈન્ડેક્સ ૬૬૧.૮૮ પોઈન્ટ વધીને ૫૪૫૩૮.૬૭ બંધ રહ્યો હતો.
બેંકેક્સ ૬૫૩ પોઈન્ટ વધ્યો : એચડીએફસી બેંક, સ્ટેટ બેંક, આઈસીઆઈસીઆઈ બેંક, એક્સિસ બેંક વધ્યા
બેંકિંગ-ફાઈનાન્સ શેરોમાં પણ પાછલા દિવસોમાં ફંડો, ખેલંદાઓની મોટી શોર્ટ પોઝિશન આજે આંશિક કવર થતી જોવાઈ હતી. એચડીએફસી બેંક રૂ.૨૩.૫૦ વધીને રૂ.૮૪૦.૫૦, સ્ટેટ બેંક ઓફ ઈન્ડિયા રૂ.૧૯.૭૫ વધીને રૂ.૧૦૬૬.૫૫, આઈસીઆઈસીઆઈ બેંક રૂ.૧૮.૭૦ વધીને રૂ.૧૨૭૩, એક્સિસ બેંક રૂ.૧૭.૫૦ વધીને રૂ.૧૨૧૪.૭૫, ઈન્ડસઈન્ડ બેંક રૂ.૧૦.૫૦ વધીને રૂ.૮૨૪.૯૫ રહ્યા હતા. જ્યારે પૈસાલો રૂ.૪.૧૯ વધીને રૂ.૩૫.૨૭, સીએસબી બેંક રૂ.૨૫.૪૫ વધીને રૂ.૩૫૭.૫૦, સિટી યુનિયન બેંક રૂ.૧૧.૧૫ વધીને રૂ.૨૪૨.૮૫, જેએસડબલ્યુ હોલ્ડિંગ રૂ.૬૨૭.૬૦ વધીને રૂ.૧૬,૨૨૬.૩૫, આધાર હાઉસીંગ ફાઈનાન્સ રૂ.૧૮.૫૦ વધીને રૂ.૪૭૮.૮૫, પેટીએમ રૂ.૩૭.૬૫ વધીને રૂ.૧૦૧૪.૨૫, પૂનાવાલા ફિન રૂ.૧૫.૬૦ વધીને રૂ.૪૨૩.૩૫, કેનફિન હોમ રૂ.૨૬.૭૦ વધીને રૂ.૮૪૧.૮૫ રહ્યા હતા. બીએસઈ બેંકેક્સ ઈન્ડેક્સ ૬૫૩.૪૩ પોઈન્ટ વધીને ૬૧૧૧૬.૩૧ બંધ રહ્યો હતો.
ક્રુડના ભાવ વધતાં ઓઈલ માર્કેટિંગ શેરોમાં ધોવાણ : અદાણી ગેસ, આઈઓસી, એચપીસીએલ ઘટયા
ઈરાન યુદ્વની આગ મિડલ ઈસ્ટમાં વિસ્ફોટક બની રહી હોઈ વિશ્વના ઓઈલ-ગેસના પુરવઠાની અનિશ્ચિતતાના પરિણામે ક્રુડ ઓઈલના ભાવ વધી આવી ૧૦૦ ડોલરની સપાટી પાર થતાં ફંડોની ઓઈલ માર્કેટિંગ પીએસયુ શેરોમાં વેચવાલી વધી હતી. અદાણી ટોટલ ગેસ રૂ.૩૭.૯૦ તૂટીને રૂ.૫૨૬, ઈન્ડિયન ઓઈલ કોર્પ રૂ.૭.૩૦ ઘટીને રૂ.૧૪૯.૨૦, બીપીસીએલ રૂ.૧૪.૧૫ ઘટીને રૂ.૩૦૪.૯૫, એચપીસીએલ રૂ.૧૩.૪૫ ઘટીને રૂ.૩૫૫.૫૦, ઓઈલ ઈન્ડિયા રૂ.૯.૮૫ ઘટીને રૂ.૪૬૦.૪૦, ઓએનજીસી રૂ.૫.૩૫ ઘટીને રૂ.૨૬૦.૪૦, ગેઈલ રૂ.૧.૭૫ ઘટીને રૂ.૧૪૬.૦૫ રહ્યા હતા. બીએસઈ ઓઈલ-ગેસ ઈન્ડેક્સ ૬૧૬.૫૦ પોઈન્ટ ઘટીને ૨૬૨૪૭.૬૦ બંધ રહ્યો હતો.
શેરોમાં રોકાણકારોની સંપતિ-માર્કેટ કેપિટલાઈઝેશન રૂ.૭૫ હજાર કરોડ વધીને રૂ.૪૩૦.૫૭ લાખ કરોડ
સેન્સેક્સ, નિફટી બેઝડ આજે શોર્ટ કવરિંગની ઝડપી રિકવરીના પરિણામે બીએસઈમાં લિસ્ટેડ કંપનીઓનું માર્કેટ કેપિટલાઈઝેશન એટલે કે રોકાણકારોની એક્ત્રિત સંપતિ આજે એક દિવસમાં રૂ.૭૫ હજાર કરોડ વધીને રૂ.૪૩૦.૫૭ લાખ કરોડ રહી હતી.
હેલ્થકેર શેરો ડામાડોળ : શ્રી ગણેશ રેમેડિઝ, ઈન્ડોકો રેમેડિઝ, લૌરસ, યુનિકેમ, ફોર્ટિસ, લિન્કન ફાર્મા તૂટયા
ફાર્મા-હેલ્થકેર કંપનીઓ માટે પણ નિકાસ અટકવાના અને કાચામાલની અનિશ્ચિતતાને લઈ ફંડોએ શેરોમાં ફરી મોટી વેચવાલી કરતાં ઘણા શેરો ડામાડોળ થયા હતા. શ્રી ગણેશ રેમેડિઝ રૂ.૨૮.૦૫ તૂટીને રૂ.૪૭૧.૫૫, ઈન્ડોકો રેમેડિઝ રૂ.૮.૩૦ ઘટીને રૂ.૧૮૮, લૌરસ લેબ રૂ.૪૨.૧૫ ઘટીને રૂ.૯૬૧.૫૦, યુનિકેમ લેબ. રૂ.૧૩ ઘટીને રૂ.૩૦૯.૨૦, લિન્કન ફાર્મા રૂ.૨૩.૩૫ ઘટીને રૂ.૫૮૦.૧૦, ફોર્ટિસ હેલ્થ રૂ.૩૪.૨૫ ઘટીને રૂ.૮૮૮, એફડીસી રૂ.૧૩ ઘટીને રૂ.૩૪૦, સુરક્ષા રૂ.૯ ઘટીને રૂ.૨૫૦, આરતી ફાર્મા રૂ.૨૨.૩૫ ઘટીને રૂ.૬૨૮.૪૫, કોપરાન રૂ.૩.૭૫ ઘટીને રૂ.૧૧૨.૮૦ રહ્યા હતા. બીએસઈ હેલ્થકેર ઈન્ડેક્સ ૪૮૨.૧૯ પોઈન્ટ ઘટીને ૪૨૩૦૫.૪૦ બંધ રહ્યો હતો.
ચોખાની નિકાસ અટકતાં એફએમસીજી શેરો તૂટયા : કેઆરબીએલ, બજાજ હિન્દુસ્તાન, ઝુઆરી ઈન્ડ. ઘટયા
એફએમસીજી શેરોમાં પણ આજે ફંડો વેચવાલ રહ્યા હતા. ભારતની ચોખાની નિકાસો મિડલ ઈસ્ટ સહિતમાં અટકતાં કંપનીઓના બિઝનેસને ફટકો પડવાના અંદાજોએ આજે શેરોમાં વેચવાલી રહી હતી. કેઆરબીએલ રૂ.૧૭.૬૫ તૂટીને રૂ.૨૯૦.૬૫, બજાજ હિન્દુસ્તાન ૫૭ પૈસા ઘટીને રૂ.૧૫.૬૦, સુખજીત સ્ટાર્ચ રૂ.૫.૫૫ ઘટીને રૂ.૧૬૦.૮૫, દ્વારકેશ સુગર રૂ.૧.૧૮ ઘટીને રૂ.૩૬.૬૮, ઝુઆરી ઈન્ડસ્ટ્રીઝ રૂ.૬.૪૫ ઘટીને રૂ.૨૩૨.૬૦, વાડીલાલ ઈન્ડસ્ટ્રીઝ રૂ.૧૨૫.૯૫ ઘટીને રૂ.૪૫૬૪.૬૦, ધામપુર સુગર રૂ.૩ ઘટીને રૂ.૧૧૫.૭૫, ટેસ્ટી બાઈટ રૂ.૧૩૫.૮૦ ઘટીને રૂ.૬૭૭૫ રહ્યા હતા.
ફંડોની સ્મોલ, મિડ કેપ શેરોમાં સતત વેચવાલીએ માર્કેટબ્રેડથ નેગેટીવ : ૨૬૪૫ શેરો નેગેટીવ બંધ
સેન્સેક્સ, નિફટીમાં શોર્ટ કવરિંગની રિકવરી સામે સ્મોલ, મિડ કેપ શેરોમાં આજે ફંડો, ઈન્વેસ્ટરોની વેચવાલી સતત જળવાઈ રહેતાં માર્કેટબ્રેડથ સતત નેગેટીવ રહી હતી. બીએસઈમાં કુલ ટ્રેડિંગ થયેલી ૪૫૪૯ સ્ક્રિપોમાંથી ઘટનારની સંખ્યા ૨૯૧૦ અને વધનારની સંખ્યા ૧૪૯૦ રહી હતી.
FPIs/FIIની કેશમાં રૂ.૯૩૬૫ કરોડના ચોખ્ખી વેચવાલી : DIIની રૂ.૧૨૫૯૪ કરોડની ચોખ્ખી ખરીદી
ફોરેન પોર્ટફોલિયો ઈન્વેસ્ટરો-એફપીઆઈઝ, એફઆઈઆઈઝની આજે-સોમવારે કેશ સેગ્મેન્ટમાં રૂ.૯૩૬૫.૫૨ કરોડના શેરોની ચોખ્ખી વેચવાલી કરી હતી. કુલ રૂ.૧૧,૫૬૬.૫૧ કરોડની ખરીદી સામે કુલ રૂ.૨૦૯૩૨.૦૩ કરોડની વેચવાલી કરી હતી. જ્યારે સ્થાનિક સંસ્થાકીય રોકાણકારો-ડીઆઈઆઈની આજે રૂ.૧૨,૫૯૩.૩૬ કરોડના શેરોની ચોખ્ખી ખરીદી રહી હતી. કુલ રૂ.૨૫,૧૫૦.૪૧ કરોડની ખરીદી સામે કુલ રૂ.૧૨,૫૫૭.૦૫ કરોડની વેચવાલી કરી હતી.
