અમદાવાદ,ગુરુવાર,2
એપ્રિલ, 2026
૨૬ એપ્રિલને રવિવારે અમદાવાદ મ્યુનિસિપલ કોર્પોરેશનની
સામાન્ય ચૂંટણી માટે મતદાન યોજાશે. કોર્પોરેશનમાં સતત ૨૧ વર્ષથી સત્તાસ્થાને રહેલા
ભાજપ દ્વારા ૪૮ વોર્ડના ઉમેદવારોની પસંદગી કરવા પ્રક્રીયા શરુ કરવામા આવી
છે.દરમિયાન વર્ષ-૨૦૨૧થી ૨૬ની ટર્મમા કોર્પોરેટર રહેલા એવા ભાજપના ૪૦થી વધુ
કોર્પોરેટરોની ટિકીટ આ વખતે કપાવાની પ્રબળ સંભાવના છે. વયમર્યાદા, રોસ્ટર અને ત્રણ
ટર્મના કારણે આ કોર્પોરેટરોને પક્ષ ટિકીટ નહીં આપે.ગત ટર્મમા અમુક કોર્પોરેટર સામે
પોલીસ ફરિયાદ થઈ હતી.તો કેટલાક કોર્પોરેટરો સામે ભ્રષ્ટાચારના આક્ષેપો થયા હતા.પક્ષની સુચના
છતાં લાંબા સમય સુધી મિટીંગમા હાજર નહી રહી ગેરશિસ્ત દાખવવી તેમજ કોર્પોરેશનમાં
પાણી પુરુ પાડવાના ટેન્કરોનો કોન્ટ્રાકટ લેવાના આક્ષેપ જે જે કોર્પોરેટરો સામે થયા
હતા તેમને પણ પાર્ટી ફરી રીપીટ નહીં કરે.એમ ભાજપના આંતરીક સૂત્રોમાંથી જાણવા મળ્યુ
છે.
વર્ષ-૨૦૦૫થી અમદાવાદ મ્યુનિસિપલ કોર્પોરેશનમા ભાજપ
સત્તાસ્થાને છે.છેલ્લા બે દાયકામા પહેલી વખત વર્ષ-૨૦૨૧થી ૨૦૨૫ની ટર્મ ભાજપના શાસનમા નબળી રહી એવી રજુઆત છેક ભાજપ
હાઈકમાન્ડ સુધી ભાજપના જ કોર્પોરેટરો દ્વારા અગાઉ કરવામા આવેલી છે.ભાજપે જે નો
રીપીટ થીયરી અપનાવી છે.તેને ધ્યાનમા લેવામા આવશે. તો પૂર્વ સ્ટેન્ડિંગ કમિટી
ચેરમેન, ડેપ્યુટી
મેયર, વિવિધ
કમિટીના ચેરમેનને આ વખતે ટિકીટ મળવાની નહીવત સંભાવના છે. અપવાદરુપે દિલ્હીથી કોઈ
ખાસ ભલામણ થશે તો જ એક કે બે ઉમેદવારોને
રીપીટ કરાશે. ગત ટર્મમા ભાજપની પ્રતિષ્ઠાને નુકસાન પહોંચે તેવા પ્રયાસો ભાજપના જ
કોર્પોરેટરો દ્વારા કરવામા આવ્યા હતા.રામોલ-હાથીજણ વોર્ડના ભાજપના બે કોર્પોરેટરો
પૈકી એક સામે પોલીસ ફરિયાદો થઈ હતી.તો અન્ય એક કોર્પોરેટર સામે આર્થિક લેતીદેતીના
આક્ષેપ થયા હતા. ખોખરા વોર્ડના એક કોર્પોરેટર તો એન.આર.આઈ.હોય એ રીતે જ તેમની
ટર્મના પાંચ વર્ષ પુરા થયા. વિવિધ કમિટીમાં તેમનો સભ્ય તરીકે સમાવેશ કરાયો હતો.આમ
છતાં સતત ગેરહાજર રહેવા તથા પક્ષમા નેતાને પણ જાણ નહી કરવા જેવી ગેરશિસ્ત આચરવાના
આક્ષેપો છે.થોડા સમય પહેલા આ કોર્પોરેટરના પિતાએ પણ મારો પુત્ર કોર્પોરેટર છે એમ
કહી દાદાગીરી કરી હોવાની ઘટના સોશિયલ મિડીયામા વાઈરલ થવા પામી હતી.
મુખ્ય કોના કોના પત્તા કપાશે?
નામ વોર્ડ
જતીન પટેલ ઘાટલોડીયા
દેવાંગ દાણી બોડકદેવ
કાંતિભાઈ પટેલ બોડકદેવ
જયેશ પટેલ નારણપુરા
ગીતાબેન પટેલ નારણપુરા
ભરત પટેલ ચાંદલોડીયા
હીરાભાઈ પરમાર ચાંદલોડીયા
રાકેશ બ્રહ્મભટ્ટ ચાંદખેડા
ઉમંગ નાયક ખાડીયા
જશુભાઈ ચૌહાણ શાહીબાગ
દિનેશ કુશવાહ સરસપુર
ચેતન પરમાર ખોખરા
સિધ્ધાર્થ પરમાર રામોલ
મૌલિક પટેલ રામોલ
