વડોદરાઃ વડોદરાના આપ પાર્ટીના વોર્ડ નંબર-૨ના જાહેર કરાયેલા ઉમેદવારની માલિકીના ઢાબા પરથી ફતેગંજ પોલીસે દેશી દારૃ સાથે બે ખેપિયાને ઝડપી પાડતાં ઉમેદવાર વિવાદમાં આવ્યા છે.જો કે તેમણે આ ઢાબુ પકડાયેલા દિનેશને ભાડે આપ્યું હોવાની વિગતો ખૂલી છે.
જૂના છાણી રોડના ચિસ્તિયા નગર ત્રણ રસ્તા પાસે આવેલા મણીકૃપા હોટલ નામના ઢાબામાં દેશી દારૃનું વેચાણ થઇ રહ્યું હોવાની માહિતી મળતાં ફતેગંજના પીઆઇએ દરોડો પડાવ્યો હતો.જે દરમિયાન ઢાબુ ચલાવતો દિનેશ તેજાભાઇ દેવીપૂજક અને લખન રધુભાઇ દસાડિયા (બંને રહે.છાણી કેનાલ પાસે વસાહતમાં) પાસે રૃ.૩૬૦૦ની કિંમતનો ૧૮ લીટર દારૃ મળ્યો હતો.
પોલીસની તપાસ દરમિયાન ઢાબાની માલિકી ધરાવતા ભરત માળીએ ભાડા કરાર રજૂ કર્યો હતો.જેમાં તેણે દિનેશને ઢાબુ ચલાવવા આપ્યું હોવાનો ઉલ્લેખ છે.જેથી પોલીસ વધુ તપાસ કરી રહી છે.
