Vadodara Gas Refilling Scam : વડોદરાના આટલાદરા વિસ્તારમાં પોલીસે ગેસ ડિલિવરી ટેમ્પાની અંદર જ ગેસ રીપેરીંગ કૌભાંડ કરી રહેલા ડ્રાઇવર તેમજ હેલ્પરને ઝડપી પાડ્યા હતા.
અટલાદરાના બ્રહ્માકુમારી સેન્ટર પાસે શ્રેય બિલ્ડિંગ નજીક ગેસ સિલિન્ડરની ડીલીવરી માટે પાદરાના જાસપુરથી નીકળેલા રુદ્ર ગેસ એજન્સીના ડ્રાઈવર ક્લીનર ખાલી સિલિન્ડરમાં ગેસ રીફીલ કરી રહ્યા હોવાની માહિતી મળતા એસ.ઓ.જીએ વોચ રાખી હતી.
આ દરમિયાન રુદ્ર ગેસના ટેમ્પામાં 23 ભરેલા બોટલ માંથી ગેસ ચોરી કરીને ત્રણ ખાલી બોટલ ભરવામાં આવી રહ્યા હોવાનું જણાઈ આવતા પોલીસે દરોડો પાડી રંગે હાથ કૌભાંડ ઝડપી પાડ્યું હતું. પોલીસે ટેમ્પોના ડ્રાઇવર વિશાલ મહેન્દ્રભાઈ થોરાટ અને ક્લીનર રાહુલ ભીમરાવ ગવરે (બંને રહે-એકતાનગર, આજવારોડ) ને ઝડપી પાડી 23 ભરેલા સિલિન્ડર, ત્રણ અડધા ભરેલા સિલિન્ડર, બે મોબાઈલ, ટેમ્પો સહીતની ચીજો મળી રૂ.1.31 લાખનો મુદ્દામાલ કબજે કર્યો હતો.
પોલીસે ટેમ્પાના માલિક દિપક અરુણભાઈ સરાણીયા (પૂનમ નગર, આજવા રોડ) ને વોન્ટેડ જાહેર કર્યો છે.
