Western Railways : પશ્ચિમ રેલવે દ્વારા પ્રતાપનગર અને લાલકુઆં સ્ટેશનો વચ્ચે સુપરફાસ્ટ સ્પેશિયલ ટ્રેન દોડાવવાનો નિર્ણય લેવામાં આવ્યો છે. આ ટ્રેન વિશેષ ભાડા પર ચલાવવામાં આવશે.
પ્રતાપનગર-લાલકુઆં સુપરફાસ્ટ સ્પેશિયલ દર રવિવારે સાંજે 5 વાગ્યે પ્રતાપનગરથી રવાના થશે અને બીજા દિવસે બપોરે 12:45 વાગ્યે લાલકુઆં પહોંચશે. આ ટ્રેન 3 મેથી 28 જૂન સુધી કાર્યરત રહેશે.
તે જ રીતે લાલકુઆં-પ્રતાપનગર સુપરફાસ્ટ સ્પેશિયલ દર સોમવારે બપોરે 3:50 વાગ્યે લાલકુઆંથી રવાના થઈ બીજા દિવસે સવારે 11:30 વાગ્યે પ્રતાપનગર પહોંચશે. આ ટ્રેન 4 મેથી 29 જૂન સુધી કાર્યરત રહેશે.
આ ટ્રેનો વડોદરા, ગોધરા, દાહોદ, રતલામ જંક્શન, કોટા જંક્શન, ગંગાપુર સિટી, મથુરા જંક્શન, કાસગંજ જંક્શન સહિતના સ્ટેશનો પર બંને દિશામાં રોકાણ કરશે.
