11 મહિલા સહિત 16 લોકો સામે પાળીયાદ પોલીસમાં ફરિયાદ નોંધાઈ
યુવતીએ અગાઉ કરેલી ફરિયાદની દાજ રાખી ત્રણ બહેનને ગંભીર માર મારી ધમકી આપી
ભાવનગર: બોટાદના સરવા ગામે અગાઉ કરેલી ફરિયાદની દાજ રાખી ૧૧ મહિલા સહિત ૧૬ લોકોએ ત્રણ બહેન પર મરચાની ભૂકી છાંટી પીવીસીના પાઇપ અને પથ્થર વડે માર મારી ગંભીર ઈજા પહોંચાડી જાનથી મારી નાખવાની ધમકી આપી હતી.
બોટાદ તાલુકાના સરવા ગામે રહેતા મિતલબેન રૂપાભાઈ પરમાર અને તેની બેન મનિષાબેન અને રેણુકાબેન પોતાના ઘરે હાજર હતા તે દરમિયાન મિતલબેને અગાઉ આજ ગામે રહેતા ઇસમો વિરુદ્ધ પોલીસ ફરિયાદ કરી હતી, જેની દાજ રાખી ક્રિપાબેન વિનુભાઇ પરમાર, શ્રેયાબેન વિનુભાઈ પરમાર, નિરલબેન પાલાભાઇ પરમાર, દક્ષાબેન ભરતભાઇ પરમાર, લાભુબેન પ્રવિણભાઇ પરમાર, ટીનાબેન વિનુભાઇ પરમાર, મીણાબેન બધાભાઈ પરમાર, મોંઘીબેન મંગાભાઈ પરમાર, વિમુબેન લાલાભાઈ પરમાર, આશાબેન પાલાભાઇ પરમાર, પાલાભાઇ મંગાભાઇ પરમાર, લાલા પાલાભાઈ પરમાર, પ્રવિણ મંગાભાઇ પરમાર, ભરત મંગાભાઈ પરમાર, અરમાન પ્રવિણભાઇ પરમાર, વિનુ બધાભાઈ પરમારએ એક સંપ કરી હથિયારો સાથે મનિષાબેન ના ઘરે ધસી આવ્યા હતા અને ઘરે હાજર ત્રણે બેનને ગાળો આપવા લાગ્યા હતા. અને મનીષાબેન રેણુકાબેન તથા મિતલબેન પર મરચાની ભૂકી છાંટી ઝપાઝપી કરવા લાગ્યા હતા તદુપરાંત પ્લાસ્ટિકની પાઇપ વડે માર મારી ગંભીર ઈજા પહોંચાડી હતી. તદ્ઉપરાંત ઇટના ઘા મારી ઇજા કરી જાનથી મારી નાખવાની ધમકી આપી હતી. ઇજાગ્રસ્ત ત્રણે બહેનને હોસ્પિટલે ખસેડવામાં આવ્યા હતા. આ બનાવ સંદર્ભે મિતલબેને ૧૧ મહિલા સહિત ૧૬ લોકો વિરૂધ્ધ પાળીયાદ પોલીસ મથકમાં બીએસએન ૧૧૫(૨), ૩૫૨, ૩૫૧(૨), ૩૫૧(૩), ૧૮૯(૨), ૧૯૧(૨), ૧૯૦, ૩૩૩ અને જીપી એક્ટ ૧૩૫ મુજબ ફરિયાદ નોંધાવતા પોલીસે વધુ તપાસ હાથ ધરી છે.
