વડોદરાઃ વડોદરા કોર્પોરેશનના પરિણામો જાહેર થયા બાદ તેના પ્રત્યાઘાત જોવા મળી રહ્યા છે,જે સંદર્ભે છાણી વિસ્તારમાં કોંગ્રેસની પેનલ તૂટતાં એક સમાજ માટે અપમાનજનક કોમેન્ટ કરનાર કાર્યકરની ધરપકડ કરવામાં આવી છે.
કોર્પોરેશનના વોર્ડ-૧માં કોંગ્રેસની પેનલ તૂટતાં સોશ્યલમીડિયા પર અપક્ષ તરીકે વિજેતા બનેલા હરીશ પટેલની ટિકિટ કાપવાનું કોંગ્રેસને કારમું પરિણામ મળ્યું..તેવી પોસ્ટ વાયરલ થઇ હતી.જે પોસ્ટ માટે છાણીના રિષભ પટેલ નામના હરીશ પટેલના ટેકેદારે એક સમાજ માટે અપમાનજનક કોમેન્ટ કરી હતી.
આ અંગે તેની સામે હિતેષભાઇએ ફરિયાદ નોંધાવતાં રિષભ પટેલ સામે ગુનો નોંધાયો હતો અને એસટીએસસી સેલના એસીપીએ રિષભની સામે ધરપકડની કાર્યવાહી કરી હતી.ત્યારબાદ છાણી પોલીસે રિષભ સામે અટકાયતી પગલાં પણ લીધા હતા.
